ABŞ Federal Ehtiyatlar Sisteminin sərt monetar siyasətini uzun müddət davam etdirəcəyinə dair narahatlıqlar fonunda major valyutalar üzərində təzyiqlərin artdığını və dolların bahalaşdığını müşahidə edirik.
«İnvest-Az İnvestisiya Şirkəti»nin dövlət istiqrazları- 26 DƏFƏ ARTIB
FED sədri Cerom Pavel hədəf inflasiya səviyyəsinə çatmaq üçün qət ediləsi yolun hələ uzun olduğunu deməsindən sonra, Amerikanın xəzinə gəlirlərindəki artımlar diqqət çəkdi.
ABŞ-ın 10 illik dövlət istiqrazlarının gəlirlik faizinin 4.5%-lik göstərici ilə 2007-ci ilin oktyabr ayından bugünə qədər ən yüksək həddə çıxması, həmçinin 2 illik dövlət istiqrazlarının gəlirlik faizinin təxminən 5.2% ilə son 23 ilin maksimumlarına çatması, valyuta bazarlarında major valyutalara marağın azalmasına səbəb oldu.
Analitiklər FED rəsmlərinin açıqlamalarının faiz dərəcələrinin növbəti il boyunca da yüksək səviyyələrdə qalacağını və 2025-ci ildən daha tez yumşaq monetar siyasətə keçid edilməyəcəyini göstərdiyini vurğulayırlar.
Bugün Avrozonada, Almaniyada, İngiltərədə və Amerikada dərc olunacaq sənaye və xidmət sektorlarında Biznes Aktivliyi İndeksi göstəriciləri valyuta birjalarında volatilliyi artıra bilər.
Məlumat InvestAZ İnvestisiya Şirkəti"nin analitikləri tərəfindən hazırlanıb.
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
