Azərbaycan Respublikasında vergidən yayınanlara məxsus olan əmlakların satışa çıxarılması davam edir.

Ləğv olunmuş bankların əmlakları hərraca çıxarılır - QİYMƏTLƏR

FED.az xəbər verir ki, Əmlak Məsələləri Dövlət Xidməti tərəfindən növbəti hərrac 24 iyun 2025-ci il tarixində saat 11:00-da baş tutacaq. Hərracda 5 müxtəlif daşınar əmlak – nəqliyyat vasitələri və avadanlıqlar endirimli qiymətlərlə təqdim olunub. Hərrac Əmlak Məsələləri Dövlət Xidmətinin Əmlak Xidmətləri Məkanında 2-ci mərtəbədə keçiriləcəkdir.

Satışa çıxarılan əmlaklar arasında "VEGA-1" MMC-yə məxsus Akron Bleese 440 markalı avadanlıq da yer alır. Bu cihaz Bakı şəhəri, Suraxanı rayonu, Yeni Suraxanı qəsəbəsində yerləşir və ilkin satış qiyməti 24,600 manat, beh məbləği isə 2,460 manat təşkil edir. Qeyd edək ki, MMC-nin vergi borcu nə az, nə çox 62 536.14 AZN təşkil edir. 

Eyni zamanda İmişli rayonu, Bərəmtəpə ŞTQ-də yerləşən "İMİŞLİ DƏMİR BETON" ASC-yə məxsus Rusiya istehsalı olan dəmir beton istehsal edən qurğu da satışdadır – onun qiyməti 15,600 manat, beh isə 1,560 manat müəyyən edilib. 

Nəqliyyat vasitələri kateqoriyasında isə 2007-ci il buraxılışlı QAZ 330232 yük avtomobili, 2011-ci il istehsalı Hyundai Sonata və 2005-ci il istehsalı Chevrolet minik avtomobili təqdim olunur. Bu nəqliyyat vasitələri müvafiq olaraq Saatlı rayonu, Şirvan şəhəri və Saatlı şəhərində yerləşir. Qiymətlər 5,520 manatdan 10,800 manata qədər dəyişir, beh məbləğləri isə daşınar əmlak üçün 10% təşkil edir.

Qeyd edək ki, Chevrolet minik    avtomobilinin sahibi Məmmədov Əziz Səməd oğlunun (VÖEN: 6700009382) 3955.04 AZN dəyərində vergi borcu var. 

Satış prosesində iştirak etmək istəyən şəxslər aşağıdakı hesaba behi köçürərək hərracda iştirak edə bilərlər. 

24 iyun 2025-ci il tarixində saat 11:00-da vergi ödəyicilərinin siyahıya alınmış əmlaklarının hərrac vasitəsi ilə satışı haqqında elan: