Status

Elman Rüstəmovun cavablarından - RAZI QALMADI - STATUS

Elman Rüstəmovun cavablarından - RAZI QALMADI - STATUS | FED.az
14:10 31 Yan 2020

İqtisadçı ekspert Rövşən Ağayev Mərkəzi Bankın sədri Elman Rüstəmovun bu gün keçirilən mətbuat konfransında verilən sualların cavablarından yayınılmasını tənqid edib.

FED.az xəbər verir ki, R.Ağayev feysbukda bildirib ki, Mərkəzi Bank rəhbərinin mətbuat konfransını canlı izləyib:

"Mərkəzi Bank rəhbərinin mətbuat konfransını canlı izlədim. Şəffaflıq və informasiya açıqlığı tələb edən suallardan ustalıqla və sakitcə yayınırlar.

Məslən, iqtisadiyyatda bütün institusional vahidlərə aid xarici aktiv və öhdəliklərlə bağlı məlumatların əks olundğu beynəlxalq investisiya mövqeyi statistikasını geniş açıqlamağa ehtyac duymadlılar - halbuki bu barədə sual oldu.

Real sektora kreditlərdə özəl və sektoru xüsusi çəkisini soruşdular - yenə qeyri-dəqiq cavab: 90%-dən çox. Halbuki Mərkəzi Bankın statistik bazasnda bu gösrtərici illər üzrə olmalıdır.

Kreditləşmədə kiçik və orta sahibkarlığın payıdan ümumiyyətlə danışılmadı. Halbuki biznesin ölçüsündən asılı olaraq kreditləşmənin dinamikasında və faiz səviyyəsində baş verən tendensiyalar barədə ayrıca məlumat verilməsi çox önəmlidir.

Yeri gəlmişkən, Dünya Bankının qlobal iqtisadi perspektivlərlə bağlı son hesabatının böyük bir bölümü makroiqtisadi sabitliyin təmin edilməsinin mühüm şərtlərindən biri kimi mərkəzi bankların müstəqillliyinin və şəffaflığının əhəmiyyətinə həsr edilib. 

Heç olmazsa bir az şəffaf olsunlar, əllərində olan bütün informasiyaları açıqlasınlar.

Mərkəzi Bankın məlumatları təkcə onlar üçün deyil - bütün invsestorlar öz qərarlarını, risklərini bu məlumatlar əsasında müəyyən edilər. Müstəqil analiz mərkəzləri və alternativ dəyərləndimə üçün gərəklidir..."

Digər xəbərlər