Azərbaycan startapçısı, «Aztraqam» şəbəkəsinin təsisçilərindən biri, hazırda ABŞ-da işləyən Fərhəd Ələkbərov ABŞ-ın və dünyanın texnoloji mərkəzi sayılan Silikon Vadisində iş prinsipiləri ilə bağlı paylaşım edib. F.Ələkbərov bildirir ki, startapların uğur qazanması üçün işə böyük vaxt ayırmaq və bir neçə sahədən məlumatlı olmaq tələb olunur.
Eləcə də bax: Azərbaycanlı startapçı - UEFA İLƏ ƏMƏKDAŞLIĞA BAŞLAYIR
«Amerika, Silikon Vadisi. Bazar günü səhər 9:45.
PEETS Coffee. Oturmağa bir dənə də yer yoxdur. Oturanların yarısı kompüterdə işləyir. Yarısı öz dostları ilə görüşüb, nəyisə müzakirə edir.
Azərbaycanda digər regionları demirəm, gedin görün, Bakıda bazar səhəri neçə nəfər ofisdə, kafedə oturub işləyir? Sonra da geridə qaldığımızdan şikayətlənirik.
Burada startap şirkətlərdə işləyən işçi axşam 5-6-da işdən çıxıb evə getsə, 2 ay sonra ərizəsin yazıb göndərərlər. Hamıya "hardworking" işləyən, 5 fərqli sahə üzrə biliyi olan insanlar lazımdır.
Startapçılar bütün günü orda-burda qidalanıb, gecələri belə işləyirlər. Hələ bu işlərə əlavə olaraq aylıq xərclərini qarşılamaq üçün Uber, Lyft taksi sürürlər.
P.S. Kənd yerlərində insanların hətta səhər 5-dən durmasından xəbərim var. Söhbət əqli işdən gedir. Yeni texnologiyalar və s.
Cek Manın danışdığı günlük 6 saat iş filan xülyalarına uymayın. İşləyin!»
