Bank olmayan kredi təşkilatı (BOKT) “İDK” MMC 2025-cı il üzrə maliyyə vəziyyətini açıqlayıb.

FED.az biznes və maliyyə xəbərləri portalı şirkətin hesabatına istinadən xəbər verir ki, ötən il şirkət kiçilib – aktivləri azalıb, gəlirləri aşağı düşüb, şhirkət zərərlə işləməkdə davam edib, üstəlik zərəri artıb.

Beləliklə, 2025-ci ildə BOKT “İDK”-nin faiz gəlirləri 183 min 262 min manat olub. Bu, 2024-cü illə müqayisədə 144 min 373 manat və ya 44,1% azdır. Xatırladaq ki, bir il əvvəl faiz gəlirləri 330 min manata çatırdı.

Ötən il BOKT-un faiz xərcləri də 3 milyon manat, və ya 7,6 dəfə azalaraq 3 milyon 524 min manatdan 463 min 623 manata düşüb.

BOKT “İDK” bəzi həssas xərcləri də azaldıb – 2025-ci ildə BOKT-un işçi heyyəti üzrə xərcləri 161,8 min manat olub ki, bu da, 2024-cü ildəki göstəricidən 515,3 min manat və ya 4,2 dəfə azdır.

Haqq və komissiya gəlirləri 12 min 218 manat (7,5 dəfə) artaraq 14 min 84 manata, marketinq və komissiya xərcləri 54 manat (2,8%) azalaraq 1 864 manata, inzibati xərcləri 47 min 599 manat (32,9%) azalarq 96 min 950 manata düşüb.

Nəticədə BOKT “İDK” 2025-ci ili 527 min manat xalis zərərlə tamamlayıb ki, bu da 2024-cü ildəki 494 min manat zərərdən 33 min manat (6,6%) artıqdır.

Hesabat dövründə BOKT-un aktivləri də azalaraq 1 milyon 59 min manata bərabər olub. Bu, əvvəlki illə müqayisədə 400 min manat və ya 27,4% azdır. Aktivlərinin azalmasının əsas səbəbi sair aktivlərin 2024-cü ildəki 698 min manatdan 158 min manata düşməsi, yəni 4,4 dəfə azalması olub.

Şirkətin kredit portfeli də azalıb, amam yaradılan ehtiyatları çıxanda xalis kredit portfelində artım baş verib. Belə ki, müştərilərə verilmiş kreditlər, lizinqlər və avansların həcmi 705 min manat olub ki, bu da, 2024-cü illə müqayisədə 39 min manat (5,8%) çoxdur.

Bəhs olunan dövrdə şirkətin öhdəliklərinin həcmi 2024-cü ildəki 321 min manatdan 2 min manata düşüb. Öhdəlkilərin azalmasının səbəbi müddətli borc öhdəlikləriin (bank kreditləri) bağlanması ilə bağlı olub.

Ardıcıl zərərlə işləməsi şirkətin kapitalını da «laxladıb». 2025-cilin sonunda BOKT “İDK” MMC-nin cəmi kapitalı 1 milyon 56 min manata bərabər olmaqla, 2024-cü ilə nəzərən 81 min manat və ya 7,1% azdır.

Qeyd edək ki, nizamnamə kapitalı 802 min manat olan şirkətin 100%-lik səhmdarı Əsgərov Əliyar Əsgər oğludur.