Xəbər verildiyi kimi, Azərbaycan Mərkəzi Bankının qərarı ilə Bank Olmayan Kredit təşkilatlarının nizamnamə kapitalına qoyulan tələblər dəyişdirilib. İndiyədək bu fəaliyyət üçün 300 min manat kapital kifayət etdiyi halda, AMB-nin qərarı ilə artıq bu məbləğ 1 milyon manata qaldırılıb.

BOKT-lara 3 ay vaxt verilib - MÜSAHİBƏ

FED.az xəbər verir ki, hazırda ölkədə fəaliyyət göstərən 54 BOKT-un yarıdan çoxunun – 28 BOKT-un nizamnamə kapitalı 1 milyon manatdan aşağıdır. 15 BOKT-da bu məbləğ ümumiyyətlə 300 min manat ətrafındadır (2023-cü ilin sonuna).

Bir qədər əvvəl Azərbaycan Mərkəzi Bankı elan edib ki, fəaliyyətdə olan BOKT-ların öz kapitallarını bu tələbə uyğunlaşdırması üçün onlara 3 ay vaxt verilib. AMB-nin söz gedən qərarının noyabr ayında verdiyini nəzərə aldıqda, bu müddətin 1 ayı artıq arxada qalıb. Başqa sözlə, BOKT-lar fəaliyyətlərini davam etdirmək üçün kapitallarını 1 milyon manata çatdırmalıdır.

FED.az xəbər verir ki, BOKT-lar bunu bir neçə formada edə bilərlər – birləşmə, kənar investor cəlb etmə və ya mövcud səhmdarların investisiyalarını artırmaq üsulu ilə. İstənilən halda bu qərar bazarın bir qədər çeşidlənməsinə və bəzi oyunçuların kredit bazarını tərk etməsinə səbəb olacaq.

FED.az hazırda nizamnamə kapitalı 1 milyon manatdan az olan, yəni təcili şəkildə kapitalını artırmalı olan BOKT-ların siyahısını təqdim edir.