"İDK" Bank Olmayan Kredit Təşkilatının İdarə Heyətinin sədri dəyişib.
Eləcə də bax: SOCAR-a idarə rəisi - TƏYİN EDİLDİ
FED.az xəbər verir ki, təşkilatdan verilən məlumata görə, "İDK Bank Olmayan Kredit Təşkilatı"nın direktoru Nicat Abasov vəzifəsini tərk edib. Onun yerinə 31 yaşlı Azər Namazov təyin edilib. O, 2013-cü ildən müxtəlif dövrlərdə maliyyə təşkilatında şöbə müdiri, daxili audit və direktor müavini vəzifələrində çalışıb.
Qeyd edək ki, "İDK Bank Olmayan Kredit Təşkilatı" Məhdud Məsuliyyətli Cəmiyyəti 2011-ci ildə Əliyar Əsgərov tərəfindən təsis edilmişdir. 25 may 2011-ci il tarixində BKT-6 sayla lisenziyaların mərkəzi reyestrinə daxil edilmişdir. Həmin tarixdən etibarən verilmiş lisenziya əsasında, fiziki və hüquqi şəxslərə qısa və uzunmüddətli, təminatlı və ya təminatsız kreditlərin verilməsi, "Bank olmayan kredit təşkilatları haqqında" Azərbaycan Respublikası Qanununda nəzərdə tutulmuş digər fəaliyyət növləri ilə qanunvericiliyə müvafiq qaydada məşğul olmaq, habelə Azərbaycan Respublikası Mərkəzi Bankının 06/06-147№'li xüsusi lisenziyası əsasında girov əmanəti qəbul etmək hüququ vardır. (Marja)
