Qeyri-Bank

​​​​​​​Bakıda camaata pul paylayan şirkət - BOKT-a Çevrilib

​​​​​​​Bakıda camaata pul paylayan şirkət - BOKT-a Çevrilib | FED.az
10:01 28 Avq 2020

Ötən ilin sonlarına yaxın Bakıda quraşdırdığı, insanlara pul paylayan aparatlarla “(Azpulmat”) gündəmə gəlmiş “Azpul” MMC bank olmayan kredit təşkilatına (BOKT) çevrilib.

Eləcə də bax: “Mol Bulak" BOKT-nin - ADI DƏYİŞDİRİLİB

FED.az bu barədə İqtisadiyyat Nazirliyi yanında Dövlət Vergi Xidmətinə istinadən xəbər verir.

Məlumata görə, şirkətin nizamnamə kapitalı kəskin artırılaraq 1 000 manatdan 300 000 manata çatdırılıb ki, bu da BOKT-lar üçün müəyyən edilmiş minimum tələbə uyğundur.

“Azpul”un direktoru Tural Vəliyev bildirib ki, yaxın vaxtlarda Azərbaycan Mərkəzi Bankından BOKT lisenziyası almağı planlaşdırırlar. Bundan sonra kommersiya qurumunun fəaliyyəti barədə ictimaiyyətə geniş məlumat veriləcək.

Xatırladaq ki, “Azpulmat” aparatları vətəndaşların şəxsiyyət vəsiqəsinin sürəti və barmaq izi əsasında 30 saniyə ərzində 20 manatdan başlayaraq borc verirdi. Həmin borc 5 gün ərzində 21 manat olmaqla geri qaytarılmalı idi. Geriyə ödənişi vaxtında etmiş şəxslər növbəti mərhələdə 40 manat borc ala bilirdilər. Yəni, borc limiti 2 dəfə artırdı və maksimum 1 000 manat ola bilərdi. Bu isə ictimaiyyətin geniş marağına səbəb olmuşdu. Amma bu növ fəaliyyətin hüquqi əsası olmadığı üçün aparatların fəaliyyəti qısa müddətdə dayandırılmışdı. (Report)

Digər xəbərlər