«Union Kredit» BOKT ASC 2021-ci ilin nəticələrinə görə maliyyə fəaliyyətinin nəticələrini və təşkilatdakı durumu açıqlayıb.
FED.az təşkilatın hesabatına istinadən xəbər verir ki, «Union Kredit» BOKT ötən ili cüzi gəlirlə başa vurub, onsuz da az olan gəlirləri bər qədər də azalıb, əvəzində təşkilatın böyük xərcləri olub. Nəticədə ilin sonunda böyük zərər yaranıb.
Belə ki, 2021-ci ildə «Union Kredit» BOKT-un faiz gəlirləri cəmi 6837 manat, faiz xərcləri isə 46 manat olub. Nəticədə şirkətin xalis faiz gəliri 6790 manat təşkil edib. Ötən illə müqayisədə təşkilatın faiz gəlirləri 20% azalıb – ötən il 8500 manat idi.
Əvəzində BOKT kreditlərin dəyərsizləşməsi ilə bağlı böyük ehtiyat ayırmalı olub – 49700 manat.
Ötən il BOKT-un 72,7 min manata yaxın inzibati və qeyri faiz xərcləri olub.
Ötən illə müqayisədə şirkətin inzibati xərcləri 3 dəfə azalıb – ötən il 198 min manat idi, başqa sözlə 2021-ci ildə «Union Kredit» BOKT sərt qənaətə keçib. Amma bu şirkti böyük zərərdən qurtara bilməyib.
Nəticədə şirkət ili 115 min 571 maman xalis zərərlə başa vurub. Qeyd edək ki, «Union Kredit» BOKT 2020-ci ili də böyük, 230 min manatlıq bağlamışdı.
2021-ci ildə təşkilatın böyük zərərlə işləməsi və kredit portfelindəki ciddi problemlər özünü əsas göjstəricilərdə də büruzə verib.
Belə ki, ötən il «Union Kredit» BOKT-un aktivləri 3 dəfə azalaraq 220 min manatdan 73 min manata düşüb. Kredit portfeli isə demək olar ki, yoxdur – 2020-ci ildə 157 min manat olan kredit portfeli indi 4 min manatdan bir qədər artıqdır.
Təşkilatın cəmi 1800 manatlıq əmlak v avadanlığı var.
Öhdəliklər isə 280 min manata yaxındır, ötən illə müqayisədə öhdəliklər təqribən 60 min manat artıb.
Nəticəlin artıq bir neçə il zərərlə işləməsi nəticəsində yığılmış zərərin məbləği 657 min manatı keçib. Hesabatdan görünür ki, bunun 115 min manatı 2021-ci ildə, 230 min manatı 2020-ci ildə, 312 min manat isə əvvəlki illərdə yığılıb.
Yıtılmış zərər o qədər artıb ki, təşkilatın nizamnamə kapitalı – yƏni səhmdarı vaxtilə şirkətə yatırdığı vəsait - 452 min manat tamamilə «əriyib» və indi «Union Kredit» BOKT-ın kapitalı mənfiyə düşüb – 205 min manat.
