2020-ci ilin yanvar-noyabr aylarında Türkiyədən Azərbaycana məşğulluq məqsədilə səfər edənlərin sayı artıb.
Eləcə də bax: Türkiyə iqtisadiyyatı - 6.7 Faiz Böyüyüb
FED.az xəbər verir ki, bu barədə Türkiyənin Məşğulluq Xidməti Baş İdarəsindən (İŞKUR) bildiriblər.
Statistikaya əsasən, hesabat dövründə Türkiyədən Azərbaycana iş axtarmaq üçün gələnlərin sayı 2019-cu ilin yanvar-noyabr ayları ilə müqayisədə 1,7 dəfə artıb.
İdarədən qeyd ediblər ki, bu dövr ərzində Azərbaycana iş tapmaq üçün 120 Türkiyə vətəndaşı səfər edib.
Ümumilikdə, hesabat dövründə 10 138 nəfər Türkiyə vətəndaşı iş tapmaq üçün xaricə səfər edib. Bu, 2019-cu ilin yanvar-noyabr ayları ilə müqayisədə 46,7 faiz azdır. (Trend)
