2024-cü ilin yanvar-iyun aylarında Gəncə şəhərində kənd təsərrüfatının vəziyyəti haqqında məlumatlar açıqlanıb.
Gəncə Şəhər Statistika İdarəsindən Marja-ya bildirilib ki, 2024-cü ilin yanvar-iyun aylarında Gəncə şəhərində 63,2 ha əkin (ondan 29,0 hektar dənli və dənli paxlalı bitkilər, 34,2 hektar tərəvəz bitkiləri) aparılmışdır. 2024-cü ilin yanvar-iyun aylarında tarlalardan 59,7 ton dənli və dənli paxlalı bitkilər, 138,9 ton tərəvəz, 294,8 ton meyvə və giləmeyvə toplanmışdır.
2024-cü ilin iyul ayının 1-i vəziyyətinə təsərrüfatlarda 732 baş iribuynuzlu mal-qara (ondan 312 baş inək və camış), 1367 baş qoyun və keçi, 32 baş donuz mövcud olmuşdur.
Gəncə şəhərində 2024-cü ilin yanvar-iyun aylarında heyvandarlıq bölməsində 115,0 ton ət diri çəkidə, 326,0 ton süd, 610 min ədəd yumurta, 2,0 ton yun istehsal edilmişdir. 2023-cü ilin müvafiq dövrünə nisbətən ət istehsalı 34,0 ton (42,0 faiz), yumurta istehsalı 5 min ədəd (0,8 faiz), süd istehsalı 16,0 ton (5,2 faiz) artmış, yun istehsalı isə 1,0 ton (33,3 faiz) azalmışdır.
2024-cü ilin yanvar-iyun aylarında kənd təsərrüfatının ümumi məhsulu faktiki qiymətlərlə 1 milyon 881,1 min manat, o cümlədən bitkiçilik məhsulları 508,5 min manat, heyvandarlıq məhsulları 1372,6 min manat təşkil etmişdir.
