2024-cü ildə Azərbaycanda qida məhsullarının adambaşına istehlakında müəyən dəyişiklər baş verib.

• Əhali nə yeyir?- Broyler toyuğu və balıq artır, süd və qoyun əti azalır

FED.az Dövlət Statistika Komitəsinə istinadən xəbər verir ki, 2024-cü ildə Azərbaycanda tərəvəz, ət-yumurta istehlakı artıb. Əvəzində süd, çörək və balıq istehlakı azalıb.

Komitənin açıqladığı hesabata əsasən adambaşına istehlakda tərəvəz və bostan bitkiləri 1,1% artaraq 113,41 kq, yumurta 0,6% artaraq 163 ədəd, ət məhsulları 0,5% artaraq 36,07 kq olub. Həmçinin bitki yağı, qənd-qənnadı, kartof və meyvə-gilameyvə istehlakında da cüzi artımlar qeydə alınıb.

Bununla yanaşı, süd məhsulları 1,5% azalaraq 244,88 kq, çörək məhsulları 1,2% azalaraq 131,51 kq və balıq məhsulları 0,3% azalaraq 7,81 kq səviyyəsinə düşmüşdür.

Cədvəl 1: Ölkə Üzrə Ərzaq Məhsullarının Adambaşına İstehlakı (2023-2024)

Şəhər yerlərində 2024-cü ildə adambaşına istehlakda tərəvəz və bostan bitkiləri 1,3% artaraq 114,18 kq, ət məhsulları 0,6% artaraq 36,49 kq və balıq məhsulları 0,7% artaraq 7,54 kq təşkil etmişdir. Həmçinin kartof, meyvə-gilameyvə, qənd-qənnadı və bitki yağı istehlakında da az artım müşahidə olunub. Bununla belə yumurta istehlakı isə 161 ədəd olaraq dəyişməyib.

Eyni dövrdə, şəhərlərdə süd məhsulları 1,4% azalaraq 243,56 kq və çörək məhsulları 1,1% azalaraq 126,20 kq səviyyəsinə düşüb.

Cədvəl 2: Şəhər yerləri üzrə ərzaq məhsullarının adambaşına istehlakı (2023-2024)

Kənd yerlərində 2024-cü ildə adambaşına istehlakda kartof 0,4% artaraq 76,98 kq, bitki yağı 0,4% artaraq 10,65 kq və ət məhsulları 0,3% artaraq 35,57 kq olub. Həmçinin tərəvəz və bostan bitkiləri, meyvə-gilameyvə, qənd-qənnadı istehlakında cüzi artımlar qeydə alınıb, Yumurta istehlakı isə 164 ədəd olaraq sabit qalıb.

Lakin kəndlərdə süd məhsulları 1,7% azalaraq 246,47 kq, çörək məhsulları 1,4% azalaraq 137,87 kq və balıq məhsulları 1,2% azalaraq 8,14 kq səviyyəsinə enib.

Cədvəl 3: Kənd yerləri üzrə ərzaq məhsullarının adambaşına istehlakı (2023-2024)