Bu ilin yanvar-may aylarında Azərbaycanda əsas kapitala 6 milyard 640,9 milyon manat və yaxud ötən ilin eyni dövrü ilə müqayisədə 11 % çox investisiya yönəldilib.
"Azərbaycana ümumilikdə 1.5 milyard dollarlıq birbaşa xarici investisiya yatırılıb"
FED.az Dövlət Statistika Komitəsinə istinadən xəbər verir ki, son 1 iıdə neft-qaz sektoruna investisiyalar 9,2 %, qeyri neft-qaz sektoruna investisiyalar isə 12,1 % artıb.
5 aylıq investisiyanın 3 milyard 623,3 milyon manatı və yaxud 54,6 %-i məhsul istehsalı sahələrinə, 2 milyard 379,1 milyon manatı və yaxud 35,8 %-i xidmət sahələrinə, 638,5 milyon manatı və yaxud 9,6 %-i isə yaşayış evlərinin tikintisinə sərf olunub.
Hesabat dövründə əsas kapitala yönəldilmiş investisiyaların 5 milyard 386,9 milyon manatını və yaxud 81,1 %-ni daxili investisiyalar təşkil edib, 4 milyard 644 milyon manatı və yaxud 69,9 %-i tikinti-quraşdırma işlərinin yerinə yetirilməsinə sərf olunub.
