“Merkuri” bank olmayan kredit təşkilatı (BOKT) ASC-nin ötən il üzrə maliyyə vəziyyəti məlum olub.
FED.az biznes və maliyyə xəbərləri portalı şirkətin hesabatına istinadən xəbər verir ki, ötən il kredit təşkilatının faiz gəlirləri 3 milyon 563 min manat, faiz xərcləri 1 milyon 150 min manat olub. Ehtimal olunan kredit zərərlərinin tutulması üçün 227,1 min manat vəsait ayırılıb. Yekunda xalis faiz gəlirləri 2 milyon 186 min manat olub. Şirkətin əməliyyat xərcləri isə 1 milyon 993 min manat təşkil edib.
Ötən ilin sonunda kredit təşkilatının vergidən əvvəlki mənfəəti 319,5 min mnat, xalis mənfəəti 255,1 min manat olub.
2025-ci ilin yekunlarına görə, BOKT-un cəmi aktivlərinin həcmi 9 milyon 971 min manat olub. Aktivlərin 89,2%-i və ya 8 milyon 892 min manat kredit portfelinin payına düşüb. Kredit portfeli son bir ildə 1 milyon 155 min manat (14,9%) artıb.
Hesabat dövründə şirkətin öhdəlkilərinin həcmi 344 min manat (4,2%) artaraq 8 milyon 556 min manata yüksəlib.
Ötən ilin sonunda “Merkuri” BOKT ASC-nin cəmi kapitalı 1 milyon 414,8 min manata bərabər olub.
Qeyd edək ki, BOKT-un nizamnamə kapitalı hər birinin nominal dəyəri 8 min 230 manat olan 162 səhmdən ibarət olmaqla 1 milyon 333 min manat təşkil edib. Səhmlərdin 50%-i Məmməd Məmmədova, 50%-i Səbuhi Əzizova məxsusdur.
