Bank Olmayan Kredit Təşkilatı “İcraçı Kredit Agentliyi” MMC 31 dekabr 2020-ci il tarixinə maliyyə vəziyyəti haqqında hesabatını dərc etdirib.
FED.az hesabata istinadən xəbər verir ki, 2019-cu illə müqayisədə 2020-ci ildə “İcraçı Kredit Agentliyi”nin cəmi aktivləri 985 min 813 manat və ya 32% azalaraq 2 milyon 105 min 874 manata düşüb. MMC 2019-cu ilin sonunda 3 milyon 91 min 687 manat cəmi aktivlərə malik idi.
Ötən il Təşkilatın müştərilərə verdiyi cəmi kreditlər (kredit portfeli) 796 min 34 manat və ya 40% azalaraq 1 milyon 176 min 79 manata geriləyib. 2019-cu ilin sonunda “İcraçı Kredit Agentliyi”nin cəmi kredit portfeli 1 milyon 972 min 113 manat təşkil etmişdi.
Ötən il “İcraçı Kredit Agentliyi”nin bölüşdürülməmiş mənfəəti 761 min 630 manat və ya 39% azalaraq 1 milyon 199 min 689 manata enib.(marja)
