Azərbaycan Prezidenti İlham Əliyevin “Biz Birlikdə Güclüyük!” çağırışına əsasən Azərbaycan Mikromaliyyə Assosiasiyasının (AMFA) üzvü olan Bank Olmayan Kredit Təşkilatları (BOKT-lar) koronavirus (Covid-19) infeksiyası ilə mübarizə tədbirləri çərçivəsində aztəminatlı ailələrə və yaşı 65-də yuxarı olan şəxslərə baş çəkərək onlara gündəlik qida məhsullarından ibarət ərzaq yardımları ediblər.
Aztəminatlı ailələrin seçimi zamanı vaxtılə kreditləşmə üçün müraciət edənlər arasında ifrat kasıb olduqlarına görə imtina cavabı alanlara üstünlük verilib. Eyni zamanda ARB 24 kanalının müxtəlif bölqələrdə yardım üçün müraciət etmiş ailələri həmin bazadan seçmişdilər və üstünlük ailədə xəstə və yaxud əlilliyi olan övlad, nəvəsi olanlar, ailə başçısını itirmiş ailələrə verilib. Ərzaq yardımı edən BOKT-lar aşağıdakıladdır:
- BOKT “İnkişaf üçün Maliyyə” MMC korporativ sosial məsuliyyət layihəsi çərçivəsində fəaliyyət göstərdiyi regionlarda aztəminatlı ailələrə dəstəklə bağlı qərar vermişdir. Bu fəaliyyət çərçivəsində 8 filialda ( Bakı, Şəki, Ağcabədi, Qah, Göyçay, Beyləqan, Mingəçevir, Bərdə) 3 gün ərzində 127 ailəyə ərzaq və gündəlik tələbat malları olan sovqat qutuları çatdırılmışdır.
- BOKT "Avrasiya-Kredit" MMC aprel ayının 23-26 aralıqlarında təmas xəttinə yaxın ərazilərdə məskunlaşmış ailələrə ərzaq və nəğd pul şəkilində yardımlar etmişdir. Beləki, Tərtər rayonunun Şıxarx, Həsənqaya kəndlərində, Füzuli rayonunun Zobucuq məcburi köçkün qəsəbəsində ümumilikdə 90 ailəyə ərzaq və nəğd pul şəkilində yardımlar edilmişdi.
- BOKT “İcraçı Kredit Agentliyi" MMC öz vəsaiti hesabına Ramana qəsəbəsində yaşayan aztəminatlı 15 ailəyə ərzaq yardımları edib.
- BOKT “Para” ASC –nın əməkdaşları Sumqayıt şəhəri, Abşeron, Binəqədi, Pirallahı, Qaradağ, Sabunçu, Suraxanı, Xəzər və Xətai rayonlarında 365 aztəminatlı ailəyə və yaşı 65-dən yuxarı olan şəxslərə baş çəkərək onlara gündəlik qida məhsullarından ibarət ərzaq sovqatı paylayıblar.
- BOKT “TBC Credit” MMC ərzaq və #EvdəQal çağırışına qatılıb, çətin anlarda dayaq olmaq məqsədilə karantin dövründə aztəminatlı 30 ailəyə yardım edib, onlara ərzaq və gigiyena məhsulları çatdırıblar.
