Avropa İttifaqı Komissiyası davam edən rəqabət araşdırmalarını dayandırmağın müqabilində “Visa” və “Mastercard”-ın kart ilə ödəmə əməliyyatlarındakı komissiya və mübadilə haqlarını endirməyi təklif etdiyini açıqlayıb.
 
ELƏCƏ DƏ BAX: Banklarda əhalinin əmanətləri azalıb
 
FED.az-ın məlumatına görə, “Visa” və “Mastercard” Avropa İqtisadi Zonasından kənar ölkələrin ödəmə sistemlərini istifadə edənlərdən alınan ödənişlərdə endirim etmək öhdəliyi götürüb.
 
Bu endirimin 5,5 il ərzində mağaza alış-verişlərində bank kartlarından əməliyyatın 0,2%-i, kredit kartlarından da 0,3% nisbətində tətbiq ediləcəyi bildirilib. Açıqlamada virtual alış-verişlərdə isə bank kartlarından 1,15 faiz, kredit kartlarından 1,5% ödəniş alınacağı qeyd edilib.
 
Həmin dəyişikliklərin tətbiq edilməsi halında 3-üncü ölkə kartlarına tətbiq ediləcək komissiyalar AB bank kartları ilə eyni səviyyələrə gəlmiş olacaq.
 
Qeyd edək ki, Aİ-də fəaliyyət göstərən şirkətlərin sektorlarında rəqabətə nəzarət səlahiyyəti Aİ Komissiyasındadır. Komissiyası araşdırmada rəqabətə və ya antiinhisar qanunlarına zidd bir hal aşkar edərsə, firmalara yüksək cərimələr tətbiq edir.