Dəqiqəsi 11 milyon dollar olan reklamlar, milyonlarla toyuq qanadları və 70 min dollara çatan biletlər - «Super Bowl»a xoş gəlmisiniz
Fevralın 2-dən 3-nə keçən gecə planetimiz marketinq bazar iqtisadiyyatının daha bir təntənəsinə şahidlik edəcək.
FED.az xəbər verir ki, fevralın 2-də ABŞ futbol həvəskarlarının böyük səbirsizliklə gözlədiyi Amerika Futbolu üzrə final matçı - Super Bowl keçiriləcək. İdmandan daha çox biznes və reklam hadisəsi sayılan Super Bowl bir gecə, daha dəqiqi 4 saat ərzində ABŞ iqtisadiyyatına 17 milyard dollardan çox töhfə verəcək.
Amerika Futbolu Milli Futbol Liqasının (NFL) çempionluq mübarizəsi olan və bu il təşkil ediləcək Super Bowl, Florida ştatının Mayami şəhərindəki Hard Rock Stadionunda, “Kansas City Heads” və “San Francisco 49ers” komandaları arasında gecə 02.30-da oynanılacaq.
Bu il ABŞ-da 4 saat ərzində 193,8 milyon izləyicini ekranlara bağlayan Super Bowl oyunu Amerika iqtisadiyyatına, xüsusilə pərakəndə sənayesinə milyardlarla dollar töhfə verəcəkdir.
ABŞ Milli Pərakəndə Ticarət Birliyinin (NRF) məlumatına görə, hər il bu bölgələrdə bir festival atmosferi yaradan oyun zamanı istifadəçilər adambaşına orta hesabla 88,65 dollar və cəmi 17,2 milyard dollar pərakəndə satış edəcəklər.
Keçən ilki qarşılaşmada adambaşına orta hesabla 81,30 dollar və cəmi 14,8 milyard dollar xərclənib.
Bilet qiymətləri 5-70 min dollar arasında
Mayami şəhərindəki 65 000 tutumlu Hard Rock Stadionunda oynanacaq 54-cü «Super Bowl»un bilet qiymətləri də rekord qırır. ABŞ-ın internet bilet satış saytlarından TickPick'in verdiyi məlumata görə, mübarizənin orta bilet qiymətləri ABŞ tarixində bir idman yarışması üçün ən yüksək həddə - 8 min dollardır.
Digər bir internet bilet satış saytı olan StubHub-un məlumatına görə, bu ilki Super Bowl üçün ən aşağı bilet qiyməti 5 min dollara, ən yüksəki 70 min dollara qədər gedə bilər. Mütəxəssislər matç günü və vaxt yaxınlaşdıqca məbləğlərin sürətlə artacağını bildirirlər.
Mayami Ziyarət Bürosunun məlumatları göstərir ki, 54-cü Super Bowl üçün həftə sonu Floridadan Mayamiyə 150 000 nəfər gələcək.
İnternet səyahət agentliyi Kayak məlumatlarına görə, Kanzas-Siti-dən Mayamiyə gediş-gəlişin ortalama qiyməti 400 dollar, San-Fransiskodan Mayami-yə 500 dollar, Mayamidəki otel qiymətləri isə gecə 300 dollardan başlayır.
30 saniyəlik reklama rekord ödəniş – 5,6 milyon dollar
Amerika futbol liqasının final matçı olan Super Bowl oyunları hər il NFL ilə müqavilə bağlanan NBC, CBS və FOX kanalları tərəfindən yayımlanır.
Bu ilki mübarizəni canlı yayımlayacaq FOX kanalı, indiyə qədər ən yüksək ödəniş tələb edir, 4 saatlıq tədbir zamanı nümayiş etdirəcəyi hər 30 saniyə üçün orta hesabla 5.6 milyon dollar tələb olunur.
Keçən il Super Bowl oyununu yayımlayan CBS kanalı 49 dəqiqə 31 saniyə davam edən 91 reklamdan 336 milyon dollar gəlir əldə etdi. Başqa sözlə, ötən il yarım dəqiqəlik reklamın qiyməti 3,4 milyon dollar idi. Müqayisə üçün deyək ki, 2005-ci ildə «Super Bowl»un reklam büdcəsi cəmi $158,4 milyon idi.
Reklamın bahalığı təəccüblü deyil, hər il oyuna azı 100 milyon nəfər baxır.
Bahalığa baxmayarapq reklam vaxtı güllə kimi satılır - hələ noyabrın 25-də Fox TV elan etdi ki, Super Bowl üçün reklam yerlərinin hamısı satılıb.
Tramp və Blumberqin özlərini reklam edəcək
Üstəlik, bu il reklam rolikləri arasında həm yeni şirkətlərin, həm də prezidentliyə namizədlərin rolikləri olacaq. İndiki prezident Donald Tramp və namizəd Maykl Blumberq də Super Bowl-da reklam vaxtı alıblar.
Toyuqların qətiyyən xoşlamadığı oyun - 1,4 milyard toyuq qanadı
Super Bowl oyunu Şükranlıq günü ilə yanaşı amrpikalıların ən çox yemək sifariş verdiyi gündür. Oyun günü hər 7 amerika ailəsindən biri evə yemək sifariş edir, sifarişlərin 60%-i pitsadır.
ABŞ Milli Toyuq Şurasının (NCC) məlumatlarına görə, Şükranlıq günündən sonra ən çox yemək və içki istehlak edən gün olan "Super Bowl Market" də bu il təxminən 1,4 milyard toyuq qanadları yeyiləcək. Hər il Super Bowl günü 1,25 milyard toyuq qanadları, 8 milyon funt və ya 3,2 milyon kiloqram popkorn və 28 milyon funt və ya 11 milyon kiloqram çips sifariş edilir. Oyun günü sifarişlər o qədər çox olur ki, sabahı gün 1,25 milyon nəfər xəstələnir, bu dəfə dərmanların sifarişləri artır. Super Bowl günü ən çox qazlı içkilər (40%), pivə (31%), buzlu çay (20%) və şərabdır (16%).
2 illik pulsuz pitsa və hər amerikalıya «Pepsi» bankası
Bəzi şirkətlər isə oyun münasibətilə qeyri-adi kampaniyalar elan ediblər. Məsələn, oyunun rəsmi sponsoru olan «Pizza Hut» elan edib ki, oyundan sonra əkizləri doğulan ilk ailələrə 2 illik pulsuz pitsa verəcək, doğulan uşaqlar isə gələcəkdə təhsil üçün adambaşına $22 min alacaqlar.
«Pepsi» isə bu oyun münasibətilə «Pepsi Zero Sugar» içkisini yeni bankada braxıb və elan edib ki, oyun «sıfır»la başa çatsa bütün amerikalılar ba içkidən bir banka pulsuz alacaqlar.
Cenifer Lopes və Şakira də burada olacaq
«Super Bowl»un fasilələrində tamaşaçıları Cenifer Lopes və Şakira əyləndirəcək. Sonuncu müsahibə verib ki, bu onun çoxdankı arzusu imiş.
Oyuna 7 milyard pul qoyulacaq
Hər şey bir tərəfə «Super Bowl»a milyardlarla pul da qoyulacaq. Amerika futbolunun finalı mərc oyunları üçün əla imkanır. Bukmeykerlərin məlumatına görə, bu il 5 milyon amerikalı Super Bowl-a 7 milyard pul qoyacaq. Stavkaların 30%-nin məbləği 25-50 dollar arasında dəyişir.
