Həkim qadağası ilə təyin edilən çörək dietası amerikalı ailənin gəlirli biznes qurması ilə nəticələnib.

Eləcə də bax: “Amazon”a qədər 25 şirkətdən “yox” cavabı aldım” - UĞUR HEKAYƏSİ

FED.az xəbər verir ki, ABŞ-ın Santa-Barbara şəhərindən olan Cin Devid sçörək yeməyi xoşlasa da, həkimin tövsiyəsi ilə un məmulatlarından tamamilə imtina etməli oldu. Onun çörəyə alternativ axtarışı isə son nəticədə ili bir biznesə çevrildi. 2013-cü ildə Cin Devid əri ilə birlikdə «Outer Aisle» şirkətini yaradaraq  pitsa əsasını və sentviç üçün xüsusi çörək istehsalına başladılar. Bu çörəklərin başqalarından fərqi o idi ki, onlar rəngli kələmdən hazırlanırdı. Həmin vaxti bu inqilabi yenilik idi, amma seçim düzgün oldu.

Artıq 2019-cu ildə şirkətin gəliri 11 milyon dollara çatdı, son 3 ildə gəlir artımı isə 50 dəfə olub.

«Outer Aisle»nin təsisçisi və CEO-su olan xanım əmindir ki, biznesinin uğur qazanmasında uşaqlarına borcludur. Dörd oğulun  hamısı ailə biznesində iştirak edir.

«Bizim biznəsimiz lap əvvəldən ailəvi oldu. Təqribən 10 il bundan əvvəl həkim mənə və həyat yoldaşıma çörək yeməyi qadağan etdi. Biz zülal, meyvə və tərəvəz yeməli idik. Bunun əla effekti oldu, bizim bədənimiz və fikirlərimiz dəyişdi. Özümüzü əla hiss elədik».

Bundan sonra çörəyə alternativ axtaran ailə tezlikdə rəngli kələm variantını tətbiq edir. Biznes qurmaq üçün Cin 50 yaşında özünün əsas iş yerindən  - «Arthritis Foundation»un icraçı direktorluğundan istefa verir.

Devidlər ailəsinin bütün üzvləri sağlamlığa diqqət yetirdiyinə görə, bu biznes sürətlə inkişaf edir. Ən yaxşı variant tapılanadək 80 resept sınaqdan keçirilir, nəhayət son variant təsdiqlənir.

Hazırda ailəyə məxsus fabrikdə 50-dən çox işçi çalışır, yaxın vaxtlarda işçi sayı iki qat artacaq. Cinin oğullarından biri biznesin əməliyyat direktoru, digəri risk meneceri bir başqası isə maliyyə direktoru olur.

Maraqlıdır ki, ailə dərhal biznesdə oğullara da pay verir. «Biz bunu ona görə etdik ki, oğullarımızın ailə biznesinə marağı azalmasın».