ABŞ Prezidenti Administrasiyası viza üçün müraciət edən xarici vətəndaşlardan sosial şəbəkələrdən istifadə tarixini tələb edəcək.
FED.az Bloomberg agentliyinə istinadən xəbər verir ki, bu barədə Dövlət Departamentindən verilən məlumatda bildirilir.
Yeni qaydanın bu gün rəsmən elan olunması gözlənilir.
Eləcə də bax: Restoranda pulu kim ödəməlidir? – MALİYYƏ ETİKETİNİN 10 QAYDASI
Dövlət Departamenti hesab edir ki, yenilik birbaşa, təqribən, 15 mln. nəfərə aid olacaq. İstisnalar rəsmi şəxslər və diplomatlar üçün olacaq.
Hakimiyyət yeniliyi dərhal qüvvəyə mindirmək niyyətində deyil. İctimaiyyətin reaksiyasını təhlil etmək üçün 60 gün müddət verilib (report.az).
