Banner

Turizm

Təyyarədə sosial məsafə qorumaq - 89 DOLLARA BAŞA GƏLƏCƏK

Təyyarədə sosial məsafə qorumaq - 89 DOLLARA BAŞA GƏLƏCƏK | FED.az
20:51 9 May 2020

AŞB şirkəti təyyarədə sosial məsafə qorunmasını tələb edən sərnişinlərdən 89 dollar əlavə haqq alacaq.

FED.az xəbər verir ki, Amerikanın loukoster aviaşirkəti «Frontier Airlines» təyyarədə qonşu oturacağın boş olmasını tələb edən sərnişinlərdən əlavə ödəniş tələb edəcək. Bu reysdən asılı olaraq əlavə ödəniş 39-89 dollar təşkil edəcək.

Azərbaycandan turist uçuşlarının nə vaxt başlayacağı - AÇIQLANDI - TOPLANTI

Şirkət artıq bu yeniliyə hazırlaşıb. «Frontier Airlines»in mətbuat xidməti bildirib ki, mayın əvvəlindən avqustun sonunadək hər təyyarədə 18 belə boş yer olacaq. «Bu xidmət şirkətin öz sərnişinlərini qorumaq üçün əlavə bir yenilikdir»-deyə mətbuat xidməti bildirib.

Bundan başqa, qaydalara görə, təyyarə ilə uçanlar təsdiqləməlidirlər ki, son iki həftə ərzində onlarda və ailə üzvlərində koronavirus əlamətləri olmayıb. Sərnişinlər uçuşdan əvvəl maska geyinməli, temperaturu ölçməli və əllərini antiseptik məhlulla yumalıdırlar.

Qeyd edək ki, koronavirusa görə ABŞ-ın digər aviaşirkətləri də yeni qaydalar tətbiq ediblər. «American Airlines» və «Delta Air Lines» şirkətlərində bildirilib ki, təyyarədə orta sıralardakı kresloları bloklaqıb ki, digər sərnişinlər arasında məsafə yaransın. Bunun üçün ödəniş etmək lazım olmayacaq, amma şirkətlər də zəmanət vermir ki, həmin yerlər həmişə boş qalacaq. Tələbat olduqca həmin kreslolara da bilet satılacaq.

Ekspertlər isə bildirir ki, təyyarə şirkətlərinə sosial məsafə saxlamaq asan olmayacaq. Çünki onlar baş verən itkiləri kompensasiya etmək üçün daha çox sərnişin daşımalı olacaqlar.

Digər xəbərlər

Banner