Ötən ay Azərbaycandan ən çox uçuş Rusiya istiqamətində həyata keçirilib.
FED.az bu barədə Dövlət Turizm Agentliyinə istinadən xəbər verir.
Məlumata görə Azərbaycanda Rusiyaya 524 uçuş həyata keçirilib. Qeyd olunan dövrdə Azərbaycandan Türkiyəyə 410, Böyük Ərəb Əmirliklərinə 240, Gürcüstan istiqamətində isə 157 uçuş həyata keçirilib.
İlk üç ay ərzində isə Rusiyaya 1 582 Türkiyəyə 1 209, Böyük Ərəb Əmirliklərinə 716, Gürcüstan istiqamətində isə 471 uçuş olub.
Azərbaycandan ən az uçuş Misir, İsveçrə və İsrail istiqamətində olub. Belə ki, qeyd olunan dövrdə Azərbaycandan Misirə 6, İsveçrəyə 1, İsrailə isə 5 uçuş həyata keçirilib. Ötən ay Azərbaycandan Yunanıstana heç bir uçuş həyata keçirilməyib.
İlk üç ay ərzində isə Misirə 15, İsveçrəyə 9, İsrailə isə 6, Yunanıstana isə 1 (yanvar ayında) uçuş həyata keçirilib.
