Xəbər verildiyi kimi, bu gün Almaniya kansleri Angela Merkel bu gün Azərbaycanda səfərdə olub. FED.az dünyanın ən güclü qadın siyasətçilərindən biri olan A.Merkelin həyatı haqqında maraqlı faktları təqdim edir. 
 
Uşaqlığı Şərqi Almaniyanın Templin qəsəbəsindəki dəmir hasarlar arxasında keçən Angela böyüyəndə müəllimə olmağı arzulayırdı. Ən çox sevdiyi fənn isə rus dili olub.

1968-ci ildə, 14 yaşında olarkən o, Moskva şəhərində rus dili fənni üzrə olimpiadanın qalibi kimi Moskvaya getmək şansı qazanıb. İlk Moskva təəsüratlarını hələ də unuda bilməyən Angela “ossi” kimi (Şərqi Almaniya mənşəli olanlara verilən ləqəb)  “Azad Alman Gəncləri“ adlı kommunist icmanın üzvü olub.

Ailəsinə maddi dəstək olmaq üçün Angela, gənc yaşlarında qaragilə alveri ilə məşğul olub. Leypsiqdə təhsil aldığı illərdə isə "Angela" əyləncə-diskoları da  təşkil edib. Hətta, cib xərci əldə etmək üçün bu diskotekalarda şirə və digər içkilər  də satıb.

Söhbət, dünyanın ən güclü qadınlarından biri, Almaniyanın ilk qadın kansleri Angela Merkeldən gedir.

Angela Dorothea Merkel 17 iyul  1954-cü ildə Almaniyanın Hamburq şəhərində anadan olub. Almaniyanın görkəmli dövlət xadimi A.Merkel, Xristian Demokrat İttifaqının lideri  və Almaniya Federativ Respublikasının Federal Kansleri kimi hər iki vəzifəni tutan ilk qadındır.

İxtisasca fizik olan siyasətçi xanım Karl Marks adına Universitetdə dissertasiya işini müvəffəqiyyətlə müdafiə edib. Elmi işini Kvant Fizikası üzərində aparan A.Merkel məktəb illərində fransız dilini öyrənə bilmədiyi üçün çox təəssüflənir. Rus və ingiliscə isə mükəmməl bilir.

Fizika elminə qarşı həvəsli olan Merkel gələcəyin fiziklərinə qarşı da maraqlı olub. Belə ki, o öz gələcək yoldaşını elmi axtarışları zamanı tapıb. Angela Mekler 1977-ci ildə fizik həmkarı Ulrixlə ailə həyatı qurub. Ancaq bu nikah çox da uzun sürməyib. Beş ildən sonra onlar ayrılıblar. 

A.Merkel 1989-cu il Berlin divarları uçurulandan sonra siyasətlə maraqlanmağa başlayıb. O, 1990-cı ildə  ilk dəfə olaraq Şərqi Almaniya Hökumətindən seçilmiş millət vəkilinin sözçüsü kimi fəaliyyətə başlayıb.

Qeyri-rəsmi və rəsmi titulları ilə məşhur Merkel

A.Merkel  Almaniyada miləttin anası kimi  “Mutti ” ləqəbini qazanıb.“Boz mirvari”, “Sakit-güclü”, “Helmut Kolun qızı” kimi titullarla dünyanın siyasi arenasında kifayət qədər nüfuz sahibi olan Merkeli  “dəmir ledi” ləqəbi qazanmış Marqaret Tetçerlə müqayisə edirlər.

“Merkel Hitlerin qızıdır” versiyası

Qərb mətbuatının yazdığına əsasən, Merkelə  “Hitlerin qızı” da deyirlər. Ciddi, yaxud qeyri-ciddi səslənsə də, yazılanlara görə Merkel Hitlerin dondurulmuş spermalarından doğulub.

Rusiya  və Amerika xüsusi xidmət orqanlarının yaydığı iddialara əsasən, Merkelin surroqat anası isə Hitlerin sevgilisi olan Yeva Braunun kiçik bacısı Gretl Braundur.  Belə ki, güya Merkel doğulduqdan sonra Lüteran kilsəsi Horst Kasnerə övladlığa verir. Formal olaraq anası isə, Herlind adlı qadın təyin olunur. Həmin qadının alman-ingilis dilləri üzrə müəllimə olduğu da iddia edilir. Təbii ki, bu iddeaları almanlar zarafat kimi qəbul etsələr də, Avropada bu haqda gəzən söz-söhbətlər azalmaq bilmir və ciddi fikirlər irəli sürülür.

Merkelin futbol hobbisi

Alma şirəsi və kotleti çox sevən Merkel müxtəlif xalqların kulinariyası ilə də maraqlanır. Ev xanımı kimi də özünə güvənən  Merkelin xüsusi əl qabiliyyəti də var. Qonaqları üçün xüsusi süfrə hazırlamağa maraq göstərən kansler, onları həmişə tox yola sala bilir. Belə ki,  Merkel kartof şorbasını və balıq xörəklərini daha dadlı hazırlayır.

Teatra və konsertlərə getməkdən xüsusi zövq alan Merkel, klassik musiqilərdən ən çox operaya qulaq asmağı xoşlayır. 

Əsas hobbisinin kiçik baxçasında əkdiyi gül-çiçəyə həvəslə qulluq etmək olduğunu açıqlayan Merkel əsl futbol azarkeşidir. Özünün dediyinə görə, bu hobbi ona kişi siyasətçilərlə kontakt qurmaqda çox kömək edir.

Merkelin çoxlarına qəribə gələn bir xassiyəti var. Belə ki, ona edilən 150 avrodan baha olan bütün hədiyyələri parlamentə təhvil verir.

Tətilini təbiət qoynunda keçirməyi çox sevir və bütün xərclərini öz cibindən ödəyir. Onun nə yaxtaları, nə dəbdəbəli sarayları var. Angela Merkelin heç şəxsi mənzili də yoxdur. Kansler olduqdan sonra xidməti mənzilə köçməkdən imtina edən Angela Merkel, hazırda Berlinin mərkəzində kirayə tutduğu mənzildə yaşayır.

Merkel səhər yeməyi zamanı qəhvə əvəzinə nanəli çay içir. Alkoqollu içkilərdən isə pivəyə üstünlük verir.

Nazir olduğu vaxtlar günə bir qutu siqaret çəkən Merkel sonradan bu vərdişindən əl çəkib.

Siyasətçi xanımın xidməti avtomobili “Audi”, şəxsi maşını isə “Volkswagen Golf”dur.

SMS həvəskarı Kansler

Gün ərzində 70-ə yaxın sms yazan Merkelin nə elektron poçtu, nə də noutbuku var. O, telefonunu həmişə səssiz rejimdə işlədir. Son zamanlarda isə xəbər saytlarını izləmək və birjada baş verənlərdən xəbər tutumaq üçün “İpad” planşet işlətməyə başlayıb.

Merkelin it və ildırım fobiası, Putin taktikası...

Dünyanın ən güclü qadınları siyahısında olan Merkel itdən və ildırımdan yaman qorxur. 1995-ci ildə velosiped gəzintisindən qayıdarkən kansleri qonşunun ov iti dişləyib. Bundan sonra onda itlərə qarşı fobiya yaranıb. Bunu kanslerin mühafizə xidməti, eləcə də siyasətçilər də bilir.

Rusiya prezidenti Vladimir Putin həmişə kanslerin bu qorxusundan sui istifadə edib. Belə ki, 2007-ci ildə Putin, Merkeli öz yay iqamətgahına dəvət edərkən mətbuat çəkilişlər aparan zaman  Putinin sevimli iti otaqda peyda olub. Almaniya kansleri o dərəcədə qorxudub ki, media təmsilçilərinin obyektivlərinə rəğmən, özünü itirib. Bu hadisə Amerika mətbuatında öz əksini belə tapıb:

“Vladimir Putin Almaniya səfərlərinə həmişə öz itini də aparır. Çünki, o, Angela Merkelin itdən qorxduğunu yaxşı bilir. İki siyasətçi şəkil çəkdirən zaman itin onların yanında peyda olması da təsadüfi deyil”.

Güclü qadın - “Merkel” obrazı

"Forbes" jurnalının versiyasına görə, Merkel artıq 10 ildir ki, ardıcıl olaraq dünyanın 100 ən nüfuzlu xanımları siyahısına başçılıq edir.

Kanslerin iş masasının üstündə alman əsilli, rusiyalı imperatriçə II Yekaterinanın portreti durur. Merkel onu güclü qadın hesab edir. Diplomatik dairələrdə isə, Merkelin özünü "odda yanmaz, suda batmaz" adlandırırlar. Çünki o, istənilən vəziyyətdən çıxa bilir.

1977-ci ildə fizik həmkarı Ulrixlə ailə həyatı qurub. O, beş illik ailələrinin tamamlanmasına səbəb kimi, bu evliliyə ciddi yanaşmadığını və yanıldığını göstərib. Cütlüklər ayrıldıqdan sonra onlara birgə məxsus olan əmlakı bölüşdürüblər. Bu bölgüdə mebel Ulrixə, paltaryuyan maşın isə Merkelin payına düşüb. Keçmiş həyat yoldaşından Angelaya qalan ən böyük pay isə onun soyadı Merkel olub. Angela Merkel ikinci dəfə ailə həyatı quranda da birinci həyat yoldaşının soyadını, indi dünyada məşhur olan Merkel soyadını dəyişməyib.

Angela Merkel ikinci dəfə nigahını, 18 il mülki nikahdan sonra - 1998-ci ildə kvan kimyası üzrə dünya şöhrətli alim İoaxim Zauer ilə rəsmiləşdirib.  O heç vaxt övlad sahibi olmayıb.

Merkelin rəngli siyasi imici

A.Merkelin şəxsi modelyerləri yoxdur. Yeni bir geyim lazım olanda, dərzi qadın Merkelin evinə gələrək müəyyən ölçüləri götürür və onun üçün yeni paltar tikməyə başlayır.

Merkelin qarderobunda çox az sayda zərif ətək və don tapmaq olar. O daha çox kişi geyim tərzində uzun ətəkli pencək və şalvarlı kostyumda görünməyi xoşlayır. Zinyət əşyalarına maraq göstərməyən siyasətçi xanım kosmetik vasitələrdən çox az miqdarda istifadə edir. O, təbii görünməyin tərəfdarıdır.

Merkel rənglərin ahəngini çox sevir, qırmızı, yaşıl, narıncı, göy, çəhrayı rəngdə geyinmlərə üstünlük verir. Xanım kanslerin geyimində rəng seçimi onun siyasi fikirlərinə də dəstək verir. Məsələn, Türkiyə prezidenti Rəcəb Tayip Ərdoğanla görüşündə ağ kostyum geyinməsi onun sülh istəməsi kimi qələmə verilir.

Xatırlayaq ki, kanslerin 2012-ci ildə Almaniya-Hollandiya futbol matçında holland yığmasının rəngində paltar geyinməsi almanları hiddətləndirmişdi. Bəziləri Merkelin bu geyimlə "narıncı inqilab“ın həbsdə olan lideri Yuliya Timoşenkoya dəstək verdiyini, bəziləri isə hollandları hirsləndirməmək üçün belə geyindiyini deyiblər.

Merkelin geyim tərzini almanlar çox bəyənirlər. Alman qadınları hesab edir ki, “Alman siyasətçisinin qadın imicini” Merkelin tərzi formalaşıb.

Merkel əl və üz mimikaları, əl jestləri ilə dünya siyasətçilərindən xüsusilə seçilir. Bəzən onun hərəki-jestləri qalmaqallara da səbəb olub.

Siyasi ekspertlər hesab edir ki,  Merkel son 10 il üçün planetin ən güclü qadın lideri kimi hakimiyyətini qorumağı bacarır. Məsələn, 2014-cü ildə-Avropa iqtisadiyyatının dinamik inkişafı dövründə Merkelin 3-cü dəfə səlahiyyət müddətinin yenidən uzadılması, onun Avropa İttifaqında güclü siyasi liderliyinə bir daha sübut oldu.

Mənbə: ednews.net