1 iyul 2021-ci il tarixinə olan hesabata görə, Azərbaycanda ölkə üzrə orta aylıq əməkhaqqı 724.4 manata çatıb.
Eləcə də bax: Muzdla çalışan işçilərdə orta aylıq əməkhaqqı - Artıb
FED.az xəbər verir ki, Dövlət Statistika Komitəsinin statistik göstəricilərində həmişəki kimi orta aylıq əməkhaqqının ən yüksək olduğu şəhər Bakıdır. Belə ki, paytaxta bu göstərici 942.3 manat təşkil edib. Digər ikinci ən çox əməkhaqqının olduğu rayon kimi Gədəbəydir. Burada orta aylıq əməkhaqqı 685 manatdır.
3-cü yerdə isə bu göstəriciyə görə 669.3 manat olmaqla Daşkəsəndir.
Ölkə üzrə ən aşağı orta aylıq əməkhaqqı Qax rayonunda qeydə alınıb. 1 iyul 2021-ci il tarixinə olan statistik rəqəmlərə əsasən Qax rayonunda orta aylıq əməkhaqqı 396.4 manat təşkil edib.
