Nəqliyyat

Dəmir Yollarından - YANĞINLA BAĞLI AÇIQLAMA

Dəmir Yollarından - YANĞINLA BAĞLI AÇIQLAMA | FED.az
17:05 9 İyul 2019

Bəzi kütləvi informasiya vasitələrində dəmir yolunun Padar-Sığırlı mənzilində dünən gecə baş vermis hadisə ilə bağlı həqiqətə uyğun olmayan məlumatlar yayılıb. Həmin məlumatlarda qeyd olunur ki, guya hadisə yerində yanğın baş verib, sərnişinlər arasında ajiotaj yaranıb.

“Azərbaycan Dəmir Yolları” QSC dən FED.az-a daxil olan məlumatda bildiririk ki, bu informasiyalar tamamilə yanlışdır və özündə heç bir həqiqəti əks etdirmir. Hadisə ilə bağlı aşağıdakıları bildirməyi vacib sayırıq.

Eləcə də bax: Elektrik xəttində açılma olub - BAKI-TBİLİSİ QATARI YOLDA QALIB

8 iyul 2019-cu ildə saat 23:22-də dəmir yolunun Padar-Sığırlı mənzilinin 376-cı kilometrində 38 saylı Bakı-Tbilisi sərnişin qatarı hərəkətdə olarkən, elektrovozun hərəkət istiqamətində arxa seksiyanın cərəyanqəbuledicisi zədələnmiş, kontakt naqilində qopmalar baş vermişdir.

Təcili olaraq bərpa işlərinə başlanılmış, elektrovozun cərəyanqəbuledicisi və kontakt naqili müvafiq qaydaya gətirildikdən sonra, qatar 9 iyun gecə saat 02:10-da təyinatı üzrə yola salınmışdır.

“Azərbaycan Dəmir Yolları” QSC olaraq bildiririk ki, hadisə nəticəsində heç bir yanğın baş verməmiş, xəsarət alan olamamış, texniki qurğularda baş vermiş nasazlıqlardan başqa digər hallara yol verilməmişdir.

Hadisə nəticəsində Bakı-Tbilisi sərnişin qatarının hərəkətində 2 saat ləngimə qeydə alınmışdir.

Hazırda qatarlar öz qrafiki ilə hərəkət edir

Digər xəbərlər