Nəqliyyat

20 Yanvar dairəsində nəqliyyatın hərəkətinə - MƏHDUDİYYƏT QOYULDU

20 Yanvar dairəsində nəqliyyatın hərəkətinə - MƏHDUDİYYƏT QOYULDU | FED.az
19:43 20 Fev 2020

Bakının M.Həsənov küçəsində Bakı Nəqliyyat Agentliyi ilə razılaşdırılmadan nəqliyyat vasitələrinin hərəkətinə (20 Yanvar dairəsi istiqamətində) məhdudiyyət qoyulub.

Eləcə də bax: İranda koronavirusdan ölənlərlə bağlı - NARAHATEDİCİ AÇIQLAMA

FED.az BNA-dan "Qafqazinfo"ya bildirilən məlumata istinadən xəbər verir ki, bu isə öz növbəsində həmin küçədən keçən 7B, 14, 18, 102, 114A, 114B, 159, 165, 193 və 211 nömrəli marşrutlar üzrə avtobusların nizamlı fəaliyyətinə ciddi təsir edir.

Hazırda avtobuslar "20 Yanvar" dairəsi istiqamətində hərəkəti Zərdabi küçəsindən geriyə dönməklə təşkil edilib.  Bu da iritutumlu avtobusların hərəkətinə maneə yaradır. Avtobuslar hazırda gecikmə ilə hərəkət edir ki, bu da sərnişinlərin uzun muddət dayanacaqda qalaraq vaxt itirməsinə səbəb olur. Eyni zamanda, dayanacaq məntəqəsində insanların çox toplanması onların yolun hərəkət hissəsinə çıxmasına rəvac verir. Nəticədə hərəkət təhlükəsizliyi səviyyəsi aşağı düşür.

 

"Bildiririk ki, hal-hazırda qeyd edilən ərazidə müşahidə edilən tıxaca və ictimai nəqliyyatın hərəkətində yaranmış gecikmələrə görə Bakı Nəqliyyat Agentliyi heç bir məsuliyyət daşımır", - deyə Agentlikdən bildirilib.

Qeyd edək ki, Azərbaycan Respublikası Prezidentinin Fərmanı əsasən Bakı şəhərinin inzibati ərazisində avtomobil yollarının mülkiyyətçiləri (sahibləri) və avtomobil yollarının bilavasitə altında, yaxud təhkim və ya qorunma (mühafizə) zolaqlarında yerləşən mühəndis-kommunikasiya təminatı sistemlərinin mülkiyyətçiləri hərəkətin məhdudlaşdırılmasına və ya qadağan edilməsinə səbəb olacaq işlərin aparılması nəzərdə tutulan avtomobil yolları barədə müvafiq işlərə başlamazdan ən azı 3 (üç) iş günü əvvəl, təxirəsalınmaz hallarda isə dərhal elektron qaydada Agentliyə məlumat verilməlidir.

Digər xəbərlər

Banner