Turizm

Turizm şirkətlərinin öz fəaliyyətlərini bərpa etməsinə - İcazə Verildi

Turizm şirkətlərinin öz fəaliyyətlərini bərpa etməsinə - İcazə Verildi | FED.az
09:46 10 Sen 2020

Azərbaycan Turizm Agentlikləri Assosiasiyası (ATAA) olaraq məlumat vermək istərdik ki, Nazirlər Kabineti yanında Operativ Qərargahın göstərişlərinə əsasən, karantin şərtlərinin yumuşaldılması, bir sıra fəaliyyət sahələrinin bərpası, eləcə də rayonlara giriş-çıxışa tədbiq edilən məhdudiyyət aradan qaldırıldığı üçün uzun müddət fəaliyyət göstərməyən turizm şirkətləri yenidən öz işini bərpa edə bilər.

Eləcə də bax: Dövlət Turizm Agentliyi: Vətəndaşlardan xahiş edirik ki, hotellərdəki problemlər barədə - Məlumat Versinlər

Assosiasiyadan FED.az-a verilən məlumata görə, artıq turizm şirkətlərinə Nazirlər Kabinetinin 16 may 2020-ci il tarixli Qərarının 1-ci bəndinə əsasən, təsdiq edilmiş metodiki göstərişlərin tələblərinə riayət etməklə ofis şəraitində işləməklərinə icazə verilir:

"Azərbaycan Turizm Agentlikləri Assosiasiyası olaraq turizmin bu çətin dönəmində fəaliyyətini davam etdirən bütün turizm şirkətlərinə işlərində uğurlar diləyirik. İnanırıq ki, qısa zamanda hökumətin və turizmlə birbaşa əlaqəsi olan dövlət qurumlarının dəstəyi və yardımı ilə bu böhran vəziyyətindən də çıxa biləcəyik. Bir daha turizm şirkətlərinə müraciət edərək, metodiki göstərişlərin tələblərinə əməl etməyə, vətəndaşların və işçi personalının sağlamlığına xüsusi önəm verməyə çağırırıq".

Digər xəbərlər