Türkiyə hökuməti təkcə rusiyalı turistləri daşımaq üçün yeni aviaşirkət yaratmağa hazırlaşır.
FED.az portalı Türkiyənin «Sabah» qəzetinə istinadən xəbər verir ki, yeni şirkət rus turistlərini türk kurortlarına daşımaqla məşğul olacaq.
Yeni şirkət Antalya şəhərində fəaliyyət göstərəcək və o elə təyyarələrdən istifadı edəcək ki, həmin təyyarələr Qərbin Rusiyaya qarşı sanksiyalarına və sığorta problemlərinə məruz qalmasın.
Məsələ bundadır ki, Rusiyanın Ukraynaya hücumundan sonra Qərb Rusiyaya qarşı çoxsaylı sanksiyalar tətbiq edib. Sanksiyaların bir hissəsi Rusiyaya uçan şirkətlərə yönəlib, nəticədə əksər şirkətlər Rusiyaya uçuşları dayandırıblar.
Türkiyə rus turistlərinin böyük axın etdiya ölkələrdəndir. Amma rust turistlərinin Türkiyənin aviaşirkətləri, məsələn «Türk Hava Yolları», «Pecasus» və sair, tərəfindən daşınması onları sanksiyalaar məruz qoya bilərdi. Nəticədə həmin şirkətlərin başqa ölkələrə uçuşlarında da problemlər yarana bilər. Yeni yaradılacaq aviaşirkət isə yalnız Rusiyaya uçduğuna görə onun üçün belə risk yaranmır.
Bundan baqqa, Türkiyə hökuməti Qərbin sanksiyaları nəticəsində Rusiyadan turistlərindən məhrum olan şirkətlərə dəstək kreditləri vermək niyyətindədir.
Artıq «Turkish Airlines» hava yolları şirkətində rus turistləri üçün 1,5 milyon yer ayrılıb.
