Mayın 9-dan etibarən “Azimut” aviaşirkəti Soçidən Azərbaycanın paytaxtı - Bakı şəhərinə uçuşlara başlayır.
Eləcə də bax: Rusiyadan Bakıya yeni - UÇUŞLAR BAŞLAYIR
FED.az xəbər verir ki, bu barədə aviaşirkətin saytında məlumat verilir.
Uçuşlar həftdə iki dəfə - bazar ertəsi və cümə günləri yerinə yetiriləcək: Soçidən uçuş saat 01:00-da, Bakıda eniş saat 03:50-də, əks istiqamətdə - Bakıdan uçuş saat 04:20-də, Soçidə eniş saat 05:20-də olacaq. Hər aeroport üçün yerli vaxt qeyd edilib.
Bundan əlavə, “Azimut” aviaşirkəti Soçidən Bakıya uçuşların sayını artırmağı planlaşdırır. Hazırda Minvoddan Azərbaycan paytaxtına uçuşlar yerinə yetirilir. (İnterfaks- Azərbaycan)
Sözügedən aviaşirkətlə Bakı-Soçi istiqamətində uçuşların qiyməti bir tərəf üçün 26-35 min rubl arasında - rəsmi məzənnəni nəzərə alanda bir tərəfə 400-500 dollar ətrafnıda dəyişir.
