Rusiyanın “Red Wings” aviaşirkəti Moskva yaxınlığındakı Jukovski hava limanından Bakıya birbaşa müntəzəm uçuşları bərpa edəcək.
FED.az xəbər verir ki, bu barədə aviadaşıyıcının mətbuat xidməti məlumat yayıb.
İlk uçuş aprelin 27-nə planlaşdırılıb.
Aviareyslər həftədə iki dəfə - çərşənbə və bazar günləri həyata keçiriləcək, təyyarə yerli vaxtla saat 16:20-də yola düşəcək, saat 21:40-da isə əks istiqamətdə uçacaq.
Uçuş müddəti təxminən 3,5 saat təşkil edəcək.
İlkin məlumata görə, Moskvadan Bakıya bir tərəfli uçuş qiyməti 11290 rubl, yəni təqribən 131 dollar və ya 223 manatdan başlayır.