Bu ilin yanvar-may aylarında Qəbələ rayonu ərazisindəki hotel və mehmanxanalarda 14 min 128 çarpayı- yerdən istifadə olunub. Rayondakı 24 mehmanxana və mehmanxana tipli obyektdən 15-i fəaliyyət göstərib.
FED.az biznes və maliyyə xəbərləri portalı xəbər verir ki, bu barədə Qəbələ rayon Statistika İdarəsindən məlumat verilib.
Bildirilib ki, mehmanxanalarda birgünlük orta qiymət 120 manat təşkil edib. Hotel və mehmanxana tipli obyektlərə 36 min 375 nəfər yerləşdirilib. Onların 25 min 190 nəfəri və ya 69,3 faizi Azərbaycan, 11 min 185 nəfəri və ya 30,7 faizi xarici ölkə vətəndaşlarıdır.
2026-cı ilin yanvar-may aylarında hotel və mehmanxana tipli obyektlərə yerləşdirilən yerli və əcnəbi turistlərin sayı əvvəlki ilin müvafiq dövrü illə müqayisədə 933 nəfər və ya 2,6 faiz artıb.
Bu müddətdə rayona gələn əcnəbi turistlər arasında Hindistan, Səudiyyə Ərəbistanı və Birləşmiş Ərəb Əmirliklərinin vətəndaşları üstünlük təşkil edib.
