“Bloomberg” COVID-19 pandemiyası dövründə səyahət üçün ən təhlükəsiz ölkələrin adlarını açıqlayıb.
Eləcə də bax:Azərbaycana turist axını 4 dəfədən çox - Azalıb
FED.az xəbər verir ki, budəfəki siyahıda Sinqapur 79,7 balla Yeni Zelandiyanı geridə qoyaraq, liderliyə yüksəlib.
Sinqapurun reytinq cədvəlində ön pilləni tutmasına səbəb kimi ölkə daxilində vaksinasiyanın sürətlənməsi və COVID-19-un yayılmasına qarşı effektiv mübarizə tədbirlərinin təşkili göstərilir.
Pandemiya dövründə Almaniya, Portuqaliya, İspaniya, İrlandiya və Avstriya da təhlükəsiz ölkələrin siyahısında yer alıb. Siyahını Argentina və Polşa davam etdirir. Braziliya isə 39,1 balla adıçəkilən siyahıda sonuncudur.
Rusiya isə 53 ölkə arasında 22-ci pillədə qərarlaşıb.
Qeyd edək ki, reytinq cədvəli hazırlanarkən yoluxanların ümumi sayı, ölüm hallarının statistikası, aparılan testlərin həcmi və vaksinasiya tempi nəzərə alınır. (Apa)
