Turizm

Özbəkistanda Yeni Daşkənd adlı şəhər salınacaq

Özbəkistanda Yeni Daşkənd adlı şəhər salınacaq | FED.az
16:02 1 İyul 2019

Özbəkistanın paytaxtı Daşkənd şəhərinin şərqində, Çirçik çayının sol sahilində şərti olaraq Yeni Daşkənd adlanan şəhər salınacaq.

FED.az xəbər verir ki, yeni şəhərin baş planını İngiltərənin Benoy Memarlıq Şirkəti hazırlayıb.

Eləcə də bax: Azərbaycanda helikopter turları başlayıb – İSTİQAMƏTLƏR VƏ QİYMƏTLƏR

Daşkənd şəhər hakiminin memarlıq, kapital tikinti və kommunikasiyaların inkişafı üzrə müavini Davron Hidayatov jurnalistlərə bildirib ki, paytaxt Daşkəndin ərazisi 33 min hektardır, layihəyə görə ona 18 min hektar da birləşdiriləcək. Yeni Daşkənddə inzibati rayon, işgüzar mərkəzlər, müasir üslubda yaşayış binaları, ticarət pavilyonları, yaşıllıq zonaları, parklar olacaq.

Layihəyə əsasən, 2 milyon nəfərin yaşayacağı yeni şəhərin hava limanı da olacaq.

 

Digər xəbərlər