“Utair” aviaşirkəti aprelin 5-dən etibarən Moskvadan Lənkərana və əks istiqamətdə uçuşlar açacaq.
FED.az xəbər verir ki, bu barədə “Utair”in rəsmi saytında məlumat verilib.
“Biz Xəzər dənizinə – Lənkərana reyslər açırıq! Aprelin 5-dən biz həftədə bir dəfə – şənbə günləri Moskvadan Lənkərana reyslər yerinə yetirməyə başlayacağıq”, – məlumatda deyilir.
Qeyd olunduğu kimi, Moskvadan uçuş saat 15:45-də, Lənkərandan isə həmin gün saat 21:25-də olacaq. Səyahət vaxtı üç saat 40 dəqiqə çəkəcək.
Bir tərəfə uçuş biletlərinin qiyməti minimum sinif üçün 13-14 min rubl və ya 145-165 dollardan baslayır, orta sinif üçün 16-18 min rubl (180-204 dollar), daha yüksək sinif üçün 20-22 min rubl (222-244 dollar) arasında dəyişir.
Biletləri artıq rəsmi “utair.ru” saytından əldə etmək olar.
