Kuveytli investor Bakıda yerləşən “Monolit Plaza” lüks hotelini alıb. FED.az xəbər verir ki, bu barədə əmlak bazarındakı mənbə bildirib. Məlumata görə, hotelin yaxınlarda adı dəyişdirilə bilər.
Eləcə də bax: Ərəblər Bakı hotellərini alır
“Ümumilikdə, investor Qəbələdə yeni hotel və ticarət mərkəzi tikməyi planlaşdırır. O, həmçinin, Bakıda torpaq sahəsini icarəyə götürüb”.
Qeyd edək ki, Azərbaycan qanunvericiliyi ölkə ərazisində xarici vətəndaşlara torpaq sahələrini almağa imkan vermir və yalnız icarəni nəzərdə tutur. Əcnəbilərə kənd təsərrüfatı istehsalı üçün icarəyə götürülən torpaq sahəsinin maksimum icarə müddəti 10-15 ildir, digər məqsədlərlə götürülən sahələrə - 99 il.
Eləcə də bax: Türkiyədə ev almaq istəyənlərə xəbərdarlıq – ALDANA BİLƏRSİZ
Daha öncə, Azərbaycan Turizm Assosiasiyasının (AzTA) sədrinin müşaviri Müzəffər Ağakərimov qeyd edib ki, ərəb investorlar Azərbaycanda turistik daşınmaz əmlaka marağı artırıblar. Ağakərimov deyib ki, onların diqqətini təkcə Bakı deyil, həmçinin regionlar da cəlb edir.
Eləcə də bax: Azərbaycanlılar hansı ölkədə əmlak alır? – YERLƏR, QİYMƏTLƏR
© Trend
