15 gündən sonra ABŞ-a köçmək istyənlərin qatıldığı «Green Card» lotereyasının nəticələri açıqlanacaq.
FED.az xatırladır ki, hər il dünyala milyonlarla insan ABŞ-da işləyib yaşamaq üçün bu lotereyaya qoşulur və limitli sayda insan buna nail olur.
“Green Card” udmaq istəyənlərin nəzərinə - QAYDALAR SƏRTLƏŞDİRİLDİ
Azərbaycandan da hər il «Green Card» udmaq istəyən minlərlə insan bəxtini sınayır. Onların bir hissəsi həmin xidmət üzrə ixtisaslaşan “Greencard Azərbaycan” şirkətinə müraciət edir.
İşləmək üçün xaricə getmək istəyənlərə – 5 VACİB MƏSLƏHƏT
ABŞ-a köçmək istəyi o qədər güclüdür ki, bu il dünyanı bürüyən koronavirus pandemiyası və onun gətirdiyi çətinliklər də «Greencard» üçün qeydiyyatdan keçən azərbaycanlıların statistikasına təsir etməyib.
«Kasıbları Amerikaya buraxmayacaqlar» - «GREEN CARD»DA YENİ QAYDA
Bu barədə FED.az-a “Greencard Azərbaycan” şirkətinin müştəri xidmətləri üzrə mütəxəssisi Rüfət Piriyev deyib.
O bildirib ki, şirkətdə ümumi Azərbaycan üzrə statistika yox, yalnız şirkətə olunan müraciətlər toplanır: “Şirkətə toplanan müraciətlərin sayı hər il eyni dinamika ilə davam edir. Demək olar ki, pandemiyanın müraciət sayına kəskin təsiri yoxdur. Müraciət sayı orta statistika ilə gedir”.
“Green Card” udub ABŞ-a köçmək üçün nələri bilmək lazımdır?
Rüfət Piriyev deyib ki, şirkətə istənilən yaş qrupundan müraciət edənlər var və nəticələr yaxın iki həftədə məlum olacaq: «ABŞ dövlət sistemində yazılan məlumata əsasən, nəticələr iyunun 6-da açıqlanacaq».
Qeyd edək ki, ötən il ABŞ-ın milli təhlükəsizlik nazirliyi “Green card”la bağlı yeni qaydalar açıqlayıb. Şirkət rəsmisi bildirir ki, qaydalarda nəzərdə tutulan bəzi tələblər müraciət edənlərin sayına təsir edib: «İki il əvvələ müqayisədə ötən il müraciət edənlərin sayı azaldı. Çünki yeni qaydalarda xarici pasport məlumatları tələb olunurdu. Hər kəsdə xarici pasport olmadığı üçün müraciət edənlərin sayı azalmışdı».
Azərbaycandan ABŞ-a köçmək istəyənlərin sayı - İKİ QAT ARTIB
ABŞ hökumətinin «Green card»la bağlı tətbiq etmək istədiyi əsas yenilik müraciət edənlərin iqtisadi vəziyyəti ilə bağlı idi, şərtlərdən dolayısı yolla o məlum olurdu ki, Amerika iqtisadi vəziyyəti pis olan şəxsləri ölkəyə buraxıb onları özünə artıq yük etmək istəmir. Amma “Greencard Azərbaycan”dan FED.az-a bildirilib ki, hələlik bu tələblər işə düşməyib: «Hələ ki, ABŞ dövləti qəti olaraq yalnız imkanı olan şəxslərin “Greencard” qeydiyyatdan keçməsi və yaxud onlara icazə verilməsi barədə haqqında bir qanun qəbul etməyib. Bu sadəcə təklif idi və hələ təsdiqlənməyib».
Rüfət Piriyev deyir ki, bu il azərbaycanlılara nə qədər yerin ayrılması barədə statistik məlumat yoxdur: «Statistika yalnız müraciətlərdən sonra qaliblərin sayı açıqlananda məlum olur. Ümumi olaraq qitələr üçün yer ayrılır».
