"Marriott Bonvoy"un 30 markasının cəmləşdiyi, sürətlə böyüyən və unikal portfelin bir hissəsi olan "Courtyard by Marriott" bu ilin iyun ayında gözlənilən "Courtyard by Marriott Baku" otelinin açılışını elan edir.
Eləcə də bax: İlham Əliyev Bakıda məşhur otelin açılışında - FOTOLAR
FED.az xəbər verir ki, 365 otaqdan ibarət olan mehmanxana "Absheron Hotel Group" tərəfindən uzunmüddətli françayzinq müqaviləsi əsasında idarə olunacaq. Bakının Füzuli küçəsində yerləşən və mərkəzə yaxın olan otel həm işgüzarlar, həm də sadəcə istirahət etmək istəyənlər üçün idealdır.
Otel, paytaxtın simvolik ticarət ərazisi sayılan “Torqoviy”, məşhur görməli yerləri olan Nizami küçəsindən bir kilometrə yaxın, piyada isə bir neçə dəqiqəlik məsafədədir. Buraya Bakının "İçərişəhər" abidəsində yerləşən tarixi "Qız Qalası" və məşhur memar Zaha Hadid tərəfindən dizayn edilmiş, dünya miqyasında misli olmayan "Heydər Əliyev Mərkəzi" daxildir. "Heydər Əliyev Beynəlxalq Hava Limanı" isə oteldən cəmi 30 dəqiqəlik məsafədədir.
Premium və Select markalarının Avropa, Orta Şərq və Afrika üzrə Qitə Brend Lideri Sandra Schulze-Potgieter demişdir: "Courtyard by Marriott"u bu ilin iyun ayından etibarən qonaqların üzünə açıq elan edəcəyimizdən məmnunuq. Otel, biznes-turistlərə və sadəcə istirahət edənlərə mehriban və qayğıkeş personalı ilə rahat bir mühit təqdim edir. Əlverişli yerləşmə qonaqlara canlı şəhərdən maksimum zövq almağa fürsət verir."
"Courtyard by Marriott Baku"nun baş meneceri Eldar Əlimuradov: "Tanınmış "Courtyard by Marriott" markası və Bakı turizm sektorunun inkişafı sayəsində geniş səyahətçi kütləsini qarşılamağı səbirsizliklə gözləyirik."
Yeni bina müasir üslubda tikilmişdir: Gözoxşayan "Qış Parkı" mənzərəsinə açılan 365 ədəd geniş qonaq otaqları, funksional iş zonası və qonaqların istirahəti zamanı əlaqədə olmalarını təmin edən pulsuz yüksəksürətli internet xətti ilə təchiz edilmişdir.
Otelin birinci mərtəbəsində yerləşən "BESH Gastropub", seçilmiş yerli inqrediyentlərlə hazırlanmış həm Azərbaycan, həm də dünya mətbəxinin dadlı yeməklərini təqdim edir. Otel barı qonaqların rahatlaması, eləcə də qəlyanaltılardan və parlaq kokteyllərdən zövq alması üçün ideal məkandır.
Ümümi sahəsi 495 kvadrat metr təşkil edən 11 iclas otağı bir sıra tədbirləri qəbul edə bilər. Bütün iclas otaqları müasir işıqlandırma, interaktiv rəqəmsal lövhələr, 65-düymlük televizorlar və pulsuz Wi-Fi ilə təchiz olunmuşdur. Mehmanxanada 24 saat faəliyyət göstərən, geniş özünəxidmət idman zalı qonaqların istifadəsinə təqdim olunur.
Qabaqcadan onlayn bron etmək və ya əlavə məlumat əldə etmək üçün aşağıdakı linkə keçid etməyiniz kifayətdir:
https://www.marriott.com/hotels/travel/gydcy-courtyard-baku/.
###
Absheron Hotel Group haqqında
“PASHA Holding” MMC-nin törəmə şirkəti olan “Absheron Hotel Group” Məhdud Məsuliyyətli Cəmiyyəti, gənc otel idarəçiliyi şirkətidir. 2013-cü ildə şirkətin qurulması ilə Qrup, dünya səviyyəli otel və kurort portfelini quraraq milli və regional bazarlarda lider mövqe tutmaq istəyi və strateji qonaqpərvərlik sənayesinin oyunçusuna çevrilməyi hədəfləyir. Bu portfel Bakıda və onun xaricində yerləşən müxtəlif otel kateqoriyalarını və digər qonaqpərvərlik subyektlərini özündə əhatə edir. Qrup Azərbaycanın paytaxtında iki lüks otelə sahibdir, bunlardan biri müvafiq beynəlxalq otel idarəetmə şirkəti tərəfindən idarə olunan JW Marriott Absheron Baku otelidir.
Qrup hazırda doqquz oteli idarə edir; 5-i Marriott ilə françayzinq müqaviləsinin bir hissəsi olmaqla:
- Baku Marriott Hotel Boulevard
- Sheraton Baku Intourist
- Courtyard Baku
- Pik Palace, Shahdag, Autograph Collection
- Park Chalet, Shahdag, Autograph Collection
Bundan əlavə, Absheron Hotel Group-un Bakı və Tbilisi şəhərlərinin hər birində layihələndirmə və ya tikinti mərhələsində olan bir oteli mövcuddur və yaxın 18 ay ərzində açılmaları planlaşdırılır. Daha ətraflı məlumat üçün [email protected] ilə əlaqə saxlaya bilərsiniz.
