Yeni il tətili, istirahət və əyləncə üçün xüsusi planlar qurmaq istəyənlər arasında Azərbaycanın müxtəlif otelləri böyük maraq doğurur. Xüsusilə Yeni il gecəsi üçün təklif olunan xüsusi paketlər, qala proqramlar yerli və xarici turistlərin diqqətini çəkir.
Yeni il tətilini xaricdə, yoxsa bölgələrdə keçirmək sərfəlidir? - VİDEO
FED.az xəbər verir ki, hazırkı qiymətlərlə müqayisədə, Yeni il gecəsi üçün nəzərdə tutulan paketlərdə əhəmiyyətli qiymət fərqləri müşahidə olunur. Bu fərqlər, əsasən, gala gecələri, əlavə əyləncə proqramları və xüsusi xidmətlərin daxil edilməsi ilə əlaqəlidir.
FED.az Azərbaycanın müxtəlif bölgələrində yerləşən otellərin indiki qiymətləri ilə Yeni il gecəsi üçün təklif olunan paketləri müqayisə edib. Daha detallı :
Shamakhi Palace: Hal-hazırda gün ərzində 2 dəfə qidalanma daxil 170 AZN təklif olunur, əgər gündə 3 dəfə qidalanma seçilsə qiymət 212 AZN təşkil edir. 31 dekabr tarixində isə 2gecəlik paketin qiyməti 2 nəfər üçün 1 521 manat müəyyən olunub. Sözügedən paketə 3 dəfə qidalanma, 2 gecə 3 gün qonaqlama və qala gecəsi daxildir. Qala gecə zamanı Çinarə Məlikzadə, Cavidan Novruz və Music Band, Rüstəm Kərimov kimi tanınmışlar iştirak edəcək.
Basqal Resort & Spa: İsmayıllıda yerləşən oteldə indiki qiymət 2 nəfər üçün 126 AZN təşkil edir və bu qiymətə səhər yeməyi daxildir. Yeni il gecəsi isə qiymət səhər və axşam yeməyi eləcədə qala gecəsi daxil olmaqla 1 520 manat olacaq. Yeni il paketi 2 gecəlik nəzərdə tutulub. Qala gecədə Emil Bədəlov və Faiq Ağayev kimi tanımışlar çıxış edəcək.
Shahdag Hotel & Spa : Otelə indi üz tutan müştərilər 2 nəfər üçün 445 AZN ödəməlidirlər və bu qiymətə səhər yeməyi də daxildir. Yeni il üçün isə otel 3 gecəlik paket təqdim edib. Paket daxilində səhər və axşam yeməyi, qala gecəsi və 3 gecə 4 gün qonaqlama daxildir. Sözügedən paketin 2 nəfərlik qiyməti 1 830 AZN müəyyən edilib.
Marxal Resort & Spa: Şəkidə yerləşən oteldə 2 nəfər üçün qiymət 130 AZN müəyyən edilib. 31 dekabr tarixində isə 2 nəfərə 2 gecəlik qiymət 1 240 AZN təşkil edir, qiymətə səhər yeməyi ilə qala gecəsi daxildir. Murad Arif qala gecədə çıxış edəcək.
Gabala Garden Hotel : Qəbələdə yerləşən oteldə 2 nəfər 183 AZN ödəyərək gecələyə bilər. Yeni il üçün isə qiymət 2 nəfər üçün 2 gecəlik paket daxilində 966 AZN müəyyən edilib. Çigiz Mustafayev, Band Qrupu, DJ Anar, Muraz Hüseynov və Vlada Axundova canlı musiqilər təqdim edəcək.
Quba Palace : Otel 2 nəfər üçün 235 AZN-dən başlayan qiymətlər təklif edir. Yeni il gecəsində isə 2 gecəlik qiymət 2 nəfər üçün 2 500 AZN-dən başlayır. Oteldə taımış sənətçilərdən Manana, Miriyusif, Emiliya Yaqubova və DJ China iştirak edəcək.
Shabran Wellbeing Resort : Otel dekabr ayı ərzində həftəiçi 145 AZN, həftəsonu isə 185 AZN 2 nəfərə qonaqlama imkanı verir, qiymətlərə isə səhər yeməyi daxildir.
31 dekabr gecəsi isə 2 nəfər üçün 2 gecəlik qiymət 1 620 AZN-dən başlayır və qiymətə səhər yeməyi, axşam yeməyi və qala gecəsi daxildir. Qala gecəsi zamanı Azad Şabanov çıxış edəcək.
Lankaran Springs Wellness Resort: Cənub zonasında yerləşən oteldə qiymət hələlik 2 nəfərə 250 AZN-dir. Yeni il gecəsi isə 3 gün 2 gecə qonaqlama, 3 dəfə qidalanma və qala gecəsi ilə birgə 2 nəfər üçün 1 399 AZN təşkil edir. 31 dekabr tarixində Ərəstun Quliyev və Cahan Qrupu , 1 yanvar tarixində isə Elvin Babazadə və Cavidan Novruzun canlı musiqi olacaq.
Uludağ Turizm və İstirahət mərkəzi : Qaxda yerləşən kompleksdə müştərilərə 2 günlük kottecdə 80 manat, oteldə isə 90 manata otaqlar təklif edilir. Yeni il gecəsi isə otaqlar kotteclərdə 180 manat, oteldə isə 190 manat olmaqla dəyişir. Qiymətə yeni il qala gecəsində iştirak, bayram süfrəsi və səhər yeməyi daxildir. Əlavə çarpayı əldə etmək istəyən müştərilərə çarpayı üçün 100 manat ödəniş tələb olunur.
