Bu ilin yanvar ayında xarici ölkələrə gedən Azərbaycan vətəndaşlarının ümumi sayı 2022-ci ilin eyni dövrü ilə müqayisədə 21,9 % artaraq 109,3 min nəfər olub.
Azərbaycana gələn turistlərin sayı - 1,6 DƏFƏ ARTIB
FED.az xəbər verir ki, bu barədə Dövlət Statistika Komitəsi məlumat yayıb.
Bildirilir ki, Gürcüstana gedən Azərbaycan vətəndaşlarının sayı 1,6 dəfə, Türkiyəyə gedənlərin sayı 18,4 %, İrana gedənlərin sayı 13 %, Rusiya Federasiyasına gedənlərin sayı 2,7 % artıb. Ölkə vətəndaşlarının 38,2 %-i Türkiyəyə, 21,7 %-i Rusiya Federasiyasına, 10,5 %-i Gürcüstana, 9 %-i İrana, 20,6 %-i digər ölkələrə səfər edib.
Gedənlərin 69,2 %-ni kişilər, 30,8 %-ni qadınlar təşkil edib. (Report)
