Banner

Turizm

Azərbaycan vizasının məbləği ölkələrdən asılı olaraq - DƏYİŞƏCƏK

Azərbaycan vizasının məbləği ölkələrdən asılı olaraq - DƏYİŞƏCƏK | FED.az
11:52 7 May 2019

Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Dövlət rüsumu haqqında” qanuna dəyişiklik müzakirə olunub.

FED.az xəbər verir ki, qanunun 17-ci maddəsinə əlavə bənd əlavə olunur.

Əlavə olunan 17.8 bəndə əsasən, xarici ölkələrin müvafiq orqanları tərəfindən Azərbaycan vətəndaşlarına münasibətdə çoxdəfəlik giriş vizalarının rəsmiləşdirilməsi üçün tutulan rüsumun məbləği bu qanunla eyni hərəkətlərə görə müəyyən edilmiş məbləğdən fərqli olduqda, dövlət rüsumunun dərəcəsi müvafiq icra hakimiyyəti orqanının qərarı ilə həmin ölkələrdə Azərbaycan vətəndaşlarına münasibətdə tutulan rüsum səviyyəsində tətbiq edilir.

Qeyd edək ki, “Dövlət rüsumu haqqında” qanunun 16.1.7-ci maddəsinə görə, çoxdəfəlik giriş vizalarının rəsmiləşdirilməsi üçün dövlət rüsumu 350 ABŞ dolları məbləğində müəyyən edilib.

Qanun layihəsi Milli Məclisin plenar iclasına tövsiyə edilib.

Eləcə də bax: Bu ölkəyə ən çox azərbaycanlılar səfər edib

Digər xəbərlər

Banner