Turizm

Azərbaycan səyahətlər üçün ən yaxşı istiqamətlərin - İLK ONLUĞUNA DAXİLDİR

Azərbaycan səyahətlər üçün ən yaxşı istiqamətlərin - İLK ONLUĞUNA DAXİLDİR | FED.az
08:34 11 Dek 2019

İspaniyanın ən qocaman nəşrlərindən biri olan “La Vanguardia” qəzetində “2020-ci ildə səyahətlər üçün on ən yaxşı istiqamət” sərlövhəli məqalə dərc edilib.

FED.az məlumat verir ki, İspaniya nəşriyyatı ilə əməkdaşlıq edən “Lonely Travel” turoperatoru özünün “Best in Travel” siyahısını təkrar nəşr edib. Gələn il üçün səyahətlərin reytinq siyahısına qiymət və keyfiyyət nisbətləri ən münasib olan ölkələr, regionlar, şəhərlər və istiqamətlər daxil edilir.

Eləcə də bax: Gələn il Azərbaycanda turizm sahəsinə - VERGİ GÜZƏŞTLƏRİ BAŞLAYIR

“Lonely Travel” nəşrinin müəllifləri növbəti dəfə səyahətə çıxarkən sərf edilən hər qəpiyin müqabilində ləzzət almaq istəyənlər üçün on anklav seçiblər.

Bələdçiyə daxil edilmiş on ən yaxşı istiqamət arasında Azərbaycan da var. Nəşrdə yazılır: “Cənubi Qafqazda yerləşən Azərbaycan Qərb və Şərq mədəniyyətlərinin qovuşduğu məkandır. Bu səbəbdən ölkə daha da cəlbedici olub. Azərbaycan öz təbii gözəllikləri, sahilyanı rayonların fərqli landşaftı ilə qonaqları heyrətləndirir. Respublikanın paytaxtı Bakı şəhəri orta əsrlərə aid qala ilə məşhurdur. Buradakı tikililər ən müasir memarlıq nümunələri ilə heyrətamiz təzad təşkil edir. Bütün bunlar sizə az görünürsə, bunu da əlavə edək ki, Azərbaycan dünyada ən ucuz ölkələrdən biridir”.

Ən yaxşı turizm istiqamətləri siyahısına Şərqi Nusa Tenqara (İndoneziya), Budapeşt (Macarıstan), Madhya-Pradeş (Hindistan), Buffalo (ABŞ), Serbiya (Tunis) və Keyp Uaynlends də (Cənubi Afrika) daxildir.

Eləcə də bax: 10 il ərzində Azərbaycan turizmində nə dəyişib? – Turizmimizin dünəni, bu günü və sabahı

Azərtac

Digər xəbərlər