Azərbaycanın milli aviadaşıyıcısı (AZAL) populyar Bakı-İstanbul-Bakı marşrutu üzrə xüsusi təklif təqdim edib.
FED.az xəbər verir ki, yeni qiymətlərlə aviabiletləri oktyabrın 10-dan 19-dək əldə etmək mümkündür.
Bu biletlərlə 1 noyabr 2023 - 30 mart 2024 (bayram günləri istisna olmaqla) tarixləri arasında səyahət etmək olar.
Bakı-İstanbul-Bakı marşrutu üzrə biletləri 198 avrodan, İstanbul-Bakı-İstanbul marşrutu üzrə isə 226 dollardan başlayan qiymətlərlə əldə etmək olar.
Qeyd edək ki, xüsusi təklif çərçivəsində satılan aviabiletlərin sayı məhduddur.
Biletləri aviaşirkətin rəsmi www.azal.az saytından və ya “Azərbaycan Hava Yolları”nın akkreditə olunmuş agentliklərindən əldə etmək mümkündür.
