Avropaya yalnız o turistlər buraxılacaq ki, onlar Avropa Dərman Vasitələri Agentliyinin təsdiqlədiyi vaksinlərlə peyvənd edilsinlər.
Eləcə də bax: Pandemiya dövründə səyahət üçün ən təhlükəsiz ölkələr - Açıqlanıb
FED.az xəbər verir ki, bu barədə Avropa Komissiyasının sədri Ursula fon der Layen bildirib.
«Bir şey dəqiqdir: Avropa İttifaqını bütün üzvləri Agentliyin təsdiqlədiyi vaksinlərdən keçən bütün turistləri qəbul edəcək»- deyə fon der Layen New York Times qəzetinə müsahibəsində bildirib.
Xatırladaq ki, hazırda Avropa İttifaqında cəmi 4 vaksin qeydiyyatdan keçib. Bunlar Pfizer/BioNTech, Moderna, AstraZeneca və Johnson&Johnson şirkətlərinin istehsal etdiyi vaksinlərdir.
Hələlik Azərbaycanda geniş tətbiq edilən Çin istehalı olan «Coronavac» vaksini bu siyahıda yoxdur. Rusiyanın "Sputnik V" vaksini isə hazırda ekspertiza dövründədir və hələlik təsdiqlənməyib. Hesab edilir ki, bu proses may aynıda başa çatacaq.
Qəzet yazır ki, Avropa Birliyinin öz qaydaları ilə yanaşı, ayrı-ayrı ölkələr də əlavə məhdudiyətlər tətbiq edə bilərlər. Məsələn, bəzi ölkələr ümumiyyətlə Avropa birliyindən kənar ölkələrin vətəndaşlarının girişinə qadağa qoya bilərlər. Və ya hətta vaksinlənmə barədə sertifikatı olanları da ölkəyə buraxmaya bilərlər.
