Nomad Passport Index 2025-ə görə, İrlandiya bu il ilk dəfə olaraq dünyanın ən güclü pasportunu əldə edib. Bu mövqe əvvəlki illərdə Lüksemburq və İsveçlə bölüşülmüşdü, amma bu dəfə İrlandiya tək başına birinciliyi qazanıb. İrlandiya, 109.00 bal ilə ümumilikdə ən yüksək reytinqi əldə edərək, İsveçrə, Yunanıstan və Portuqaliya kimi ölkələri geridə qoyub.
ABŞ-a viza üçün müraciət edən şəxslərin sosial media hesabları yoxlanılır
Nomad Passport Index sıralaması, pasportların qiymətləndirilməsi üçün bir sıra əsas meyarları nəzərə alır: viza ilə sərbəst səyahət, vergi siyasəti, ikili vətəndaşlıq hüququ və fərdi azadlıqlar.
Avropa ölkələri bu reytinqdə 10-dan 9 yerini tutub, yalnız ABŞ 45-ci sırada yer alıb. Azərbaycan isə bu reytinqdə 125-ci yerdə qərarlaşıb.
2025-ci ilin Nomad Passport Index sıralamasında dünyanın ən güclü pasportlarına sahib olan ilk 10 ölkə İrlandiya, İsveçrə, Yunanıstan, Portuqaliya, Malta, İtaliya, Lüksemburq, Finlandiya, Norveç və Birləşmiş Ərəb Əmirlikləri-dir. Bu ölkələr, vətəndaşlarına geniş səyahət imkanları, sərbəst yaşama hüquqları və güclü beynəlxalq nüfuzları ilə fərqlənir.