Turizm

10 min əhalisi var - 40 MİN TURİST QƏBUL EDİB - AZƏRBAYCANDA

10 min əhalisi var - 40 MİN TURİST QƏBUL EDİB - AZƏRBAYCANDA | FED.az
10:29 17 Yan 2020

Respublikamızda qeyri-neft sektorunun ən çox inkişaf edən sahələrindən olan turizm bir çox bölgələrin, xüsusən də Naftalan şəhərinin iqtisadiyyatının əsasını təşkil edir. Son illərdə Azərbaycanda görülmüş bütün işlər, o cümlədən beynəlxalq arenadakı mövqe, bir çox dövlətlərlə dostluq münasibətləri, keçirilmiş beynəlxalq tədbirlər, ölkəmizdə hökm sürən sabitlik və əmin-amanlıq respublikamızda, eləcə də Naftalanda turizmin inkişafına böyük təkan verib.

Eləcə də bax: Azərbaycanda 2000 xarici və yerli turist - YENİ İLİ BU ŞƏHƏRDƏ QARŞILAYIB

FED.az xəbər verir ki, 2019-cu ildə Naftalana olan turist səfərləri rekord həddə çatıb – şəhərə 61 ölkədən 40 min turist gəlib.

Onlardan 12364 nəfəri xarici ölkələrdən gələnlər olub. Turistlərdən Rusiya, Qazaxıstan, Özbəkistan, İsrail, Ukrayna Belarus, Türkiyə, Səudiyyə Ərəbistanı, Küveyt, Litvadan olan qonaqlar üstünlük təşkil edib. Bununla yanaşı Birləşmiş Ərəb Əmirlikləri, Tacikistan, Bəhreyn, Qətər, İran, Çin, Estoniya, Almaniya, Gürcüstan, Amerika Birləşmiş Ştatları, Qırğızıstan və Kanadadan olan turistlər də buradakı kurort və sanatoriyaların xidmətlərdən istifadə ediblər.

Qeyd edək ki, hazırda Naftalanda 10 turizm obyekti fəaliyyət göstərir və burada 1100 nəfər çalışır. Şəhərdə tikintisi davam etdirilən turizm obyektləri də istifadəyə verildikdən sonra Naftalan gün ərzində, ümumilikdə, 3 min 800-ə yaxın turistə müasir standartlara uyğun restoran, otel və müalicə xidmətləri göstərmək imkanına malik olacaq və həmin müəssisələrdə işləyənlərin sayı 1500-ə çatacaq. Bu, ümumi şəhər əhalisinin 15 faizini təşkil edir.

Azərtac

Digər xəbərlər