İqtisadiyyat ixtisasi - iqtisadiyyatın bütün sahələrini əhatə edən, geniş iş imkanları təklif edən, yaxşı karyerə yüksəlişi vəd edən ixtisaslardan biridir. Bu sahədə təhsil alanların gələcəkdə iqtisadiyyat, sənaye, kənd təsərrüfatı, maliyyə tikinti və s. bir çox sahələrdə iş imkanları yaradır.

Azərbaycanda biznesin idarə edilməsini öyrənmək neçəyədir? – UNİVERSİTETLƏR, QİYMƏTLƏR

FED.az biznes və maliyyə xəbərləri portalı xəbər verir ki, iqtisadiyyat illər boyu abituriyentlərin əsas üz tutduğu sahələrdən biri olub. Bu gün də, bu sahəyə maraq kifayət qədərdir. Marağın çox olması səbəbindən hər il minlərlə abituriyent universitetlərdə bu ixtisası seçir. Elə bu səbəbdən də, universitetlər tərəfindən iqtisaiyyat ixtisası üzrə həm ödənişli, həm də ödənişsiz təhsil imkanı yaradılır.

FED.az biznes və maliyyə xəbərləri portalı iqtisadiyyat ixtisasında təhsil almaq istəyənlər üçün universitetlərdə təhsil haqqını araşdırıb. Məlum olub ki, ölkədə iqtisadiyyatı öyrədən ən bahalı universitet «ADA Universiteti»dir. Bu universitetdə iqtisadiyyat ixtisası üzrə illik təhsil haqqı 6 min 500 manatdır. «Qərbi Kaspi Universiteti»ndə illik təhsil haqqı 3 min 800 manat, «Bakı Dövlət Universitetin»də iqtisadiyyat ixtisası üzrə illik təhsil haqqı 3 min 200 manatdır.

Azərbaycanda iqtisadi təhsilin mərkəzi sayılan Azərbaycan Dövlət İqtisad Universitetində - UNEC – iqtisadiyyat ixtisası üzrə geniş seçim var. Burada maliyyə təhsili 4 dildə – azərbaycan, ingilis, türk və rus dillərində almaq mümkündür. Təhsil haqqı isə əsasən 1900-2300 manatdır.

Digər universitetlərdə isə iqtisadiyyat ixtisası üzrə illik təhsil haqqı 2 min – 3 min manat arasında dəyişir.

Bölgələrdə yerləşən universitetlərdə isə qiymətlər Bakıdakı universitetlərdən daha münasibdir. Belə ki, «Mingəçevir Dövlət Universiteti»ndə iqtisadiyyat ixtisası üzrə illik təhsil haqqı 1 600 manat, Gəncədə yerləşən «Azərbaycan Texnologiya Universiteti»ndə isə iqtisadiyyat ixtisası üzrə illik təhsil haqqı 1 500 manatdır. Həmçinin «Azərbaycan İqtisad Universiteti»nin Zaqatala filialında iqtisadiyyat ixtisası üzrə illik təhsil haqqı 1 500 manatdır.

Qiyabi təhsildə isə qiymətlər daha ucuz olur. «Azərbaycan Memarlıq Universiteti»ndə qiyabi formada təhsil haqqı 2 min manatdır. Bundan başqa, «Naxçıvan Dövlət Universiteti»ndə qiyabi formada iqtisadiyyat təhsili almaq illik 1 500 manata başa gəlir.

Rəqəmlər göstərir ki, ölkədə ödənişli əsaslarda iqtisadiyyat təhsili almaq üçün minimum illik 1 500 manat ödəniş etmək lazımdır, regionlarda bu qiymət daha ucuz, Bakıda isə daha yüksəkdir. Həmçinin qiyabi təhsilin qiyməti də əyani təhsildən daha ucuzdur.

Daha detallı aşağıdakı cədvəldə: