Azərbaycanın regionlarında xarici valyutada yerləşdirilən əmanətlərin gəlirlilik dərəcələri açıqlanıb.
FED.az biznes və maliyyə xəbərləri portalı xəbər verir ki, xarici valyuta əmanətləri üzrə ən yüksək faizlər əsasən Naxçıvan, Qazax-Tovuz və işğaldan azad edilmiş iqtisadi regionlarda təklif olunur.
Cəmi (ümumi portfel) üzrə ən yüksək faizlər
Cəmi portfel üzrə ən yüksək göstərici Şərqi Zəngəzur iqtisadi rayonunda qeydə alınıb. Bu regionda xarici valyutada yerləşdirilən əmanətlər üzrə orta faiz dərəcəsi 2,58% olub, portfelin həcmi isə 46 min manat təşkil edib.
Gəncə-Daşkəsən iqtisadi rayonu 2,37% orta faiz dərəcəsi və 24 milyon 854 min manat portfel həcmi ilə ikinci sırada qərarlaşıb.
Qazax-Tovuz iqtisadi rayonunda faiz dərəcəsi 2,18%, əmanət portfeli isə 8 milyon 870 min manat olub.
Mil-Muğan iqtisadi rayonunda xarici valyuta əmanətləri üzrə orta faiz dərəcəsi 2,09%, portfel həcmi 2 milyon 156 min manat təşkil edib.
İlk beşliyi Bakı iqtisadi rayonu 2,02% orta faiz dərəcəsi və 4 milyard 979 milyon 57 min manat portfel həcmi ilə tamamlayıb (Mərkəzi Aran da 2,01% ilə yaxın nəticə göstərib).
Tələb olunanadək əmanətlər üzrə göstəricilər
Tələb olunanadək (cari hesablar) üzrə ən yüksək faiz yalnız Bakı iqtisadi rayonunda qeydə alınıb. Bu regionda cari valyuta hesabları üzrə orta faiz dərəcəsi 0,08% olub, portfelin həcmi isə 1 milyard 849 milyon 727 min manat təşkil edib.
Digər bütün iqtisadi regionlarda tələb olunanadək xarici valyuta hesabları üzrə faiz dərəcəsi 0,00%-ə bərabər olub.
Müddətli əmanətlər üzrə liderlər
Müddətli əmanətlər üzrə ən yüksək faiz Naxçıvan iqtisadi rayonunda qeydə alınıb. Bu regionda orta faiz dərəcəsi 3,34%, əmanət portfelinin həcmi isə 2 milyon 627 min manat olub.
Qazax-Tovuz iqtisadi rayonu 3,32% orta faiz dərəcəsi və 5 milyon 838 min manat portfel həcmi ilə ikinci sırada yer alıb.
Şərqi Zəngəzur iqtisadi rayonunda müddətli valyuta əmanətləri üzrə faiz dərəcəsi 3,28%, portfel həcmi 36 min manat təşkil edib.
Gəncə-Daşkəsən iqtisadi rayonu 3,24% orta faiz dərəcəsi və 18 milyon 136 min manat portfel həcmi ilə dördüncü olub.
Siyahını Şirvan-Salyan iqtisadi rayonu 3,22% orta faiz dərəcəsi və 3 milyon 227 min manat portfel həcmi ilə tamamlayır.
