2024-cü ilin 1 yanvar vəziyyətinə Şərqi Zəngəzur iqtisadi rayonunda işləyənlərin sayı 22,4 min nəfərə yaxın olub. Bu illik müqayisədə 822 nəfər və ya 3,8% çoxdur.

• Naxçıvanda 51 min nəfər işçi - İXTİSAR OLUNUB

Hesabat dövründə ən çox işçi sayı Laçın rayonunda (7,8 min nəfər), ən az işçi sayı isə Zəngilan rayonunda (2,1 min nəfər) olub.

İşçi sayında Laçın rayonunda 12,1% artım olsa da, Qubadlı rayonunda 6% azalma qeydə alınıb.

• Qarabağda işləyənlərin sayı azalıb - RƏQƏMLƏR, CƏDVƏLLƏR

Şərqi Zəngəzur iqtisadi rayonunda dövlət sektorunda işləyənlərin sayı 19,4 min nəfərə yaxın olub. Bu illik müqayisədə 104 nəfər və ya 0,5% azdır.

Hesabat dövründə ən çox işçi sayı Laçın rayonunda (6,3 min nəfər), ən az işçi sayı isə Zəngilan rayonunda (1,9 min nəfər) olub.

İşçi sayında Laçın rayonunda 4,6% artım olsa da, Zəngilan rayonunda 11,9% azalma qeydə alınıb.

Hesabat dövrünə özəl sektorda Şərqi Zəngəzur iqtisadi rayonunda işləyənlərin sayı 2,4 min nəfərdən çox olub. Bu illik müqayisədə 926  nəfər və ya 60,7% çoxdur.

Bu dövrdə özəl sektor üzrə ən çox işçi sayı Laçın  rayonunda (1,4 nəfər), ən az işçi sayı isə Zəngilan  rayonunda (243 nəfər) olub.

İşçi sayında ən kəskin artım Zəngilan  rayonunda 3,3 dəfə qeydə alınsa da, ən az artım Qubadlı rayonunda 5,7% artım baş verib.