2025-ci ilin yanvar-mart ayları üzrə Azərbaycanda orta aylıq nominal əməkhaqqı artımı ölkə üzrə ümumi yüksəlişi göstərməkdə davam edir.
FED.az bu barədə Dövlət Statistika Komitəsinin açıqladığı rəqəmlərə istinadən xəbər verir.
Lakin bəzi rayonlarda artım tempi daha zəif olaraq qalır.
Ordubad rayonunda əməkhaqqı əvvəlki ilin eyni dövrü ilə müqayisədə cəmi 7 manat (1,0%) artaraq 707 manata çatıb. Amma bu, bölgələr arasında ən zəif artımlardan biridir. Əməkhaqqının dinamikası üzrə rayonların bölgüsündə bu rayon siyahının sonunda yer alır.
Daha sonra, Xocavənd rayonunda əməkhaqqı 17 manat (2,4%) yüksələrək 704 manata, Saatlı rayonunda isə 23 manat (3,6%) artaraq 633 manat olub.
Şabran rayonunda əməkhaqqı 24 manat artıb (+3,7%), Kəngərli rayonunda isə 30 manat artım (+3,8%) qeydə alınıb.
Digər aşağı artım faizləri belədir:
-
Oğuz rayonu – 24 manat artım (+4,0%)
-
Goranboy rayonu – 30 manat artım (+4,7%)
-
Şərur rayonu – 33 manat artım (+5,0%)
-
Biləsuvar rayonu – 34 manat artım (+5,2%)
-
Şirvan şəhəri – 45 manat artım (+5,3%)
Bu göstəricilər regionlarda əməkhaqqı artımının davam etdiyini göstərir, lakin ölkə üzrə orta artım səviyyəsi olan 10%-ə nisbətən daha aşağıdır.
