2025-ci ilin üçüncü rübünün yekunlarına əsasən, Azərbaycanın bank sektorunda kredit portfelinin həcminə görə yeni reytinq cədvəli məlum olub.
FED.az bankların III rübünə olan maliyyə hesabatlarına əsasən, “Azərbaycan Beynəlxalq Bankı” (ABB) ASC 6 milyard 802 milyon 550 min manatlıq kredit portfeli ilə sektorun lideri olaraq qalır.
İkinci yerdə 5 milyard 432 milyon 51 min manatla “Kapital Bank” ASC qərarlaşıb. İlk üçlüyü isə 3 milyard 338 milyon 414 min manatla “PAŞA Bank” ASC tamamlayıb.
Siyahıya əsasən, ölkənin 8 bankının kredit portfeli 1 milyard manatı ötüb. Reytinqdə növbəti yerləri “Xalq Bank” ASC (1 milyard 823 milyon 217 min manat), “Bank Respublika” ASC (1 milyard 577 milyon 152 min manat), “AccessBank” QSC (1 milyard 296 milyon 851 min manat), “Unibank KB” ASC (1 milyard 254 milyon 835 min manat) və “Yelo Bank” ASC (1 milyard 53 milyon 937 min manat) tutur.
Reytinqin davamında “Rabitəbank” ASC (953 milyon 150 min manat), “Bank of Baku” ASC (872 milyon 372 min manat), “Azər Türk Bank” ASC (787 milyon 660 min manat), “Ziraat Bank Azərbaycan” ASC (728 milyon 261 min manat), “TuranBank” ASC (710 milyon 929 min manat) və “Expressbank” ASC (530 milyon 592 min manat) qərarlaşıb.
Digər bankların kredit portfelləri isə belədir: “Premium Bank” ASC (477 milyon 536 min manat), “Yapı Kredi Bank Azərbaycan” QSC (434 milyon 127 min manat), “Azərbaycan Sənaye Bankı” ASC (301 milyon 892 min manat), “Bank BTB” ASC (289 milyon 230 min manat), “Bank VTB (Azərbaycan)” ASC (242 milyon 36 min manat) və “AFB Bank” ASC (232 milyon 200 min manat).
Siyahının sonunda isə “Bank Avrasiya” ASC (133 milyon 861 min manat) və “Bank Melli İran”ın Bakı filialı (2 milyon 228 min manat) yer alıb.
